Шестата рунда американско-ирански нуклеарни преговори ќе се одржи во Мускат во недела, изјави министерот за надворешни работи на Оман во четвртокот, откако американскиот претседател Доналд Трамп повтори дека на Техеран нема да му биде дозволено да има нуклеарно оружје.
Трамп во средата изјави дека американскиот персонал се преместува од Блискиот исток, бидејќи „тоа може да биде опасно место“.
Повикувајќи се на американски и ирачки извори, Reuters претходно објави дека САД се подготвуваат да ги евакуираат своите вработени во амбасадата во Ирак и ќе им дозволат на воениот персонал да ги напушти локациите низ Блискиот исток поради зголемените безбедносни ризици во регионот.
Четирите американски и двајца ирачки извори не открија кои безбедносни ризици ја поттикнале одлуката. Извештаите за потенцијална евакуација ги зголемија цените на нафтата за повеќе од 4 отсто пред цените да паднат во продолжение на тргувањетово четвртокот.
Странските енергетски компании продолжија да работат како и обично, изјави за Reuters во четвртокoт висок ирачки функционер кој ги надгледува операциите во јужните нафтени полиња.
Американски функционер изјави дека Стејт департментот одобрил доброволни заминувања од Бахреин и Кувајт, а Стејт департментот во средата навечер ги повтори глобалните совети и предупредувања за патување, одразувајќи го најновиот став на САД.
„На 11-ти јуни, Стејт департментот издаде наредба за заминување на персонал од американската влада кој не работи на итни слилаи поради зголемени регионални тензии“, се вели во предупредувањето.
Одлуката на САД да евакуираат дел од својот персонал дојде во време на нестабилност во регионот. Напорите на Трамп да постигне нуклеарен договор со Иран по неговиот терк се чини дека се во ќорсокак, а американските разузнавачки информации сугерираат дека Израел се подготвува да ги нападне нуклеарните постројки на Иран.
„Персоналот се евакуира затоа што може да биде опасно место и ќе видиме што ќе се случи“, им рече Трамп на новинарите.
На прашањето дали може да се направи нешто за да се намалат тензиите во регионот, американскиот претседател одговори: „Тие не можат да имаат нуклеарно оружје. Едноставно кажано, не можат да имаат нуклеарно оружје“.
Трамп постојано се закануваше дека ќе го нападне Иран доколку разговорите за неговата нуклеарна програма не успеат, а во интервју објавено претходно во средата тој рече дека е сè помалку уверен дека Техеран ќе се согласи да престане со збогатување на ураниум, што е клучното барање на САД.
Иако евакуацијата на дел од персоналот предизвика загриженост за можна регионална ескалација, висок ирански безбедносен функционер изјави за иранската Press TV во четврток дека заминувањето на дел од американскиот воен персонал не претставува закана.
Во средата иранскиот министер за одбрана го предупреди Вашингтон дека Техеран ќе ги нападне американските регионални бази доколку биде вовлечен во војна доколку нуклеарните разговори не успеат. САД одржуваат воено присуство во главниот регион за производство на нафта, со бази во Ирак, Кувајт, Катар, Бахреин и Обединетите Арапски Емирати.
Слични новости
ЕУ се откажува од увозот на руски фосилни горива и покрај Унгарија и Словачка
Полското претседателство во понеделникот на состанокот на министрите на земјите-членки задолжени за енергетика го предложи текстот на изјавата во поддршка на планот на Европската комисија презентиран на 6. мај за постепено отстранување на руската нафта, гас и нуклеарна енергија од пазарот на ЕУ
Најмалку 40 убиени во Газа, повеќето близу центар за дистрибуција на храна
Најмалку 40 лица се убиени од израелски оган во понеделникот, а повеќето од нив во близина на центар за дистрибуција на помош на американската Хуманитарна фондација Газа (GHF), соопшти Министерството за здравство на крајбрежната палестинска енклава
Америка ги повлече своите Противвоздушни системи од Украина
Соединетите Американски Држави ги повлекоа своите системи за противвоздушна одбрана од Украина поради ситуацијата на Блискиот исток, наведуваат американски медиуми