Кошаркарите Оклахома Сити Тандер и Милвоки Бакс синоќа се пласираа во полуфиналето на НБА Купот победувајќи ги Далас Маверикс и Орландо Меџик.
Оклахома Сити Тандер на домашен терен го победи Далас Маверикс со 118:104, а до славјето ги предводеше Шаи Гилџеус-Александер со 39 поени, осум скока и пет асистенции.
Оклахома Сити ќе игра или со Голден Стејт Вориорс или со Хјустон Рокетс во Лас Вегас во сабота, при што победникот ќе се пласира во шампионскиот натпревар на турнирот во рамките на сезоната. Оваа победа на Тандер ја прекина серијата од седум победи на Далас.
Одбраната на Тандер одигра клучна улога во оваа победа, ограничувајќи ја ѕвездата на Далас, Лука Дончиќ на само 16 поени, а Кајри Ирвинг на 17 поени. Дончиќ додаде 11 скока, а Клеј Томпсон и Наџи Маршал постигнаа по 19 поени за Маверикс.
Оклахома Сити го презеде водството во третата четвртина, претворајќи ја предноста од три поени на полувремето во предност од 90:73 во последната четвртина.
И Милвоки Бакс на домашен терен го победија Орландо Меџик со 114:109 и се пласираа во полуфиналето на НБА Купот во Лас Вегас. Бакс имаат 5-0 во НБА Купот и ќе играат во сабота навечер во Лас Вегас против победникот од вечерашниот натпревар меѓу Атланта Хокс и Њујорк Никс.
Во победата на неговиот тим учествуваше Јанис Адетокумбо со 37 поени, Демијан Лилард додаде 28 поени, а Боби Портис имаше 22 поени и 10 скока. Кај Орландо, Џејлен Сагс беше најдобар со 32 поени, додека Ентони Блек додаде 17 коша.
Лилард го израмни резултатот на 106:106 со тројка на 52,2 секунди до крајот, а потоа го доведе Милвоки во водство со леј-ап и четири слободни фрлања во последните секунди.
Слични новости
Баерн ќе го изложи дресот со број 5 на Бекенбауер под покривот на „Алијанц Арена“
Откако го „пензионираше“ дресот со бројот што го носеше Франц Бекенбауер, клупската легенда која почина на почетокот на јануари 2024 година, Баерн Минхен одлучи во иднина да го изложува под покривот на „Алијанц Арена“, објави во вторникот баварскиот клуб
Винисиус сака што поскоро да го обнови договорот со Реал Мадрид
Бразилскиот напаѓач Винисиус Јуниор изјави дека е среќен во Реал Мадрид и сака што поскоро да го обнови договорот со Кралскиот клуб
НБА: Гилџеус-Александер постигна 51 за 50. победа на Тандер сезонава
Водечкиот тим во западната конференција на американската професионална кошаркарска лига НБА, Оклахома Сити Тандер, на домашен терен го совлада Хјустон Рокетс со 137:128, а најдобриот играч на Тандер, Шаи Гилџеус-Александер повторно го предводеше својот тим со 51 поен