Од 1 февруари стартува целосната примена на системот „Безбеден град“, откако Собранието го изгласа Законот за прекршоци, со што се отвора патот за автоматско санкционирање на сообраќајните прекршоци преку камери и софтверска контрола.
Министерот за внатрешни работи Панче Тошковски, преку објава на социјалните мрежи, порача дека со оваа законска измена државата конечно презема системски чекори за справување со сообраќајниот хаос.
Тошковски порача дека имплементацијата на „Безбеден град“ претставува одлука што директно го штити животот и безбедноста на граѓаните, а не механизам за полнење на буџетот преку казни.
Во тест периодот, како што посочува министерот, дел од граѓаните веќе го смениле однесувањето во сообраќајот, што резултирало со поголема дисциплина и почитување на правилата.
Автоматските казни, без можност за „попустливост“, значат дека секој прекршок ќе биде евидентиран и санкциониран, што за многумина може сериозно да влијае врз месечниот буџет, ако возачите не внимаваат на сообраќајните правила.
Слични новости
Пад на индустриското производство во Македонија за 4,2 насто
Државниот завод за статистика објави дека индустриското производство во февруари 2026 година е намалено за 4,2% во однос на истиот месец минатата година.
Поранешниот претседател Стево Пендаровски со порака до СДСМ дека е во опасност да стане маргинална партија
Поранешниот претседател на државата, Стево Пендаровски испрати порака до раководството на неговата СДСМ – дека партијата се наоѓа на сериозен крстопат и дека без длабоки промени може да се соочи со понатамошен пад, па дури и со политичка маргинализација.
СДСМ ја обвини владата дека не се справува ефикасно со кризата
Христијан Мицкоски секојдневно ги лаже граѓаните дека владата нешто следи и вели дека нема потреба да се преземат мерки. Ние предупредивме дека овој раст на цените на нафтата ќе повлече и ќе предизвика раст на цените на сите основни прехранбени продукти. И тоа се случи, се наведува во соопштението од СДСМ.