Од разговорите за мир во Украина, засега само договор за размена на заробеници

Американскиот претседателски претставник Стив Виткоф изјави дека САД, Украина и Русија на разговорите во Абу Даби се согласиле да разменат 314 заробеници во „првата таква размена за пет месеци“.

„Овој резултат е постигнат од мировни разговори кои беа детални и продуктивни. Иако останува значајна работа, ваквите чекори покажуваат дека одржливиот дипломатски ангажман дава опипливи резултати и ги унапредува напорите за завршување на војната во Украина“, изјави Виткоф.

Тој додаде дека дискусиите ќе продолжат, а се очекува дополнителен напредок во наредните недели.