Притвор за седум припадници на МВР од Штип и Кочани од 30 дена определи Кривичниот суд во Скопје. Тие се осомничени зашто потпишле лиценца за работа на дискотеката без да проверат дали објектот ги исполнува условите за тоа.
Меѓу осомничените се началниците на СВР Штип и Кочани, главниот инспектор за сообраќајни работи и инспекторот за справување со кризни состојби од штипската полиција, понатаму началникот на одделението за полиција на СВР Штип, документаристот во полициската станица Кочани и заменик командирот на оваа полициска станица.
Кривичното дело за кое се осомничени е тешки дела против општата сигурност. Како што соопштија од судот притворот им е одреден поради опасност од бегство, околности кои укажуваат дека ќе ја попречат истрагата со влијание врз сведоци и околности кои укажуваат дека може да го повторат делото.
Тие во судот беа внесени со полициски службеници и лисици на рацете, а само еден од нив одговори на новинарите декеа не чувствува вина за она што се товари во врска со смроносниот пожар во кочанската дискотека „Пулс“ ноќта кон понеделникот.
Кривичното дело за кое се сомничат е поврзано со издавање согласности за функционирање на диско клубот во Кочани каде се случи пожарот во кој 59 лица го загубија животот, а околу 200 луѓе се здобија со тешки телесни повреди. Против овие решенија странките имаат право на жалба пред Кривичниот.
Кривичните пријави против полициските службеници ги достави Министерството за внатрешни работи, а министерот Тошковски најави дека листата со осомничени ќе се проширува.
Покрај полициските службеници, досега има мерка притвор за 18 лица, а по барање на јавниот обвинител, пред судијата на претходна постапка ќе биде изведено уште едно лице поврзано со предметот, а тој е и раководител на секторот во Министерството за економија.
По обезбедувањето на доказите во рокот за притвор, Тошковски вели дека ќе се дознае за кое кривично дело ќе му биде поднеасена пријава на поранешниот министер за економија Крешник Бектеши, но Тошковски смета дека кривичнотот дело треба да биде исто како и за сите други лица, но тоа е надлежност на Обвинителството.
Слични новости
Над половина од проверените локали не ги исполнуваат минималните технички услови, дури и оние со важечки лиценци, преку 80 отсто ќе бидат затворени
Според премиерот, се очекува инспекциските контроли да завршат за недела до две по што точно ќе се знае кои локали се безбедни. Тие што ќе продолжат да работат, рече, ќе значи дека 100 отсто ги исполнуваат минимум пропишаните услови
Таравари го разреши директорот на Кумановската болница
Министерот за здравство Арбен Таравари денеска изјави дека е разрешен директорот на Кумановската општа болница Стефан Трајановски. Ја разгледал документацијата на државната санитарна инспекција и, како што рече, во министерството констатирале дека има предуслови да се разреши директорот на Кумановската болница
Седум полициски службеници од Кочани и Штип осомничени за тешки дела против општата сигурност, доставен предлог за притвор
Предметен јавен обвинител од Специјализираното одделение за гонење на кривични дела сторени од лица со полициски овластувања и припадници на затворска полиција, донел наредба за спроведување на истражна постапка против седум полициски службеници