Обвинителот којшто е во заминување одлучува до крај да ги испорача должничко-доверителските односи кон претходната влада, кажа премиерот Христијан Мицкоски алудирајќи на шефот на Основното јавно обвинителство за гонење организиран криминал и корупција Ислам Абази, кому му истекува мандатот.
Реакцијата на премиерот Мицкоски уследи по одлуката на обвинителството да го затвори предметот за јавните набавки за градењето на 19 модуларни болници во Македонија.
„Значајно да се напомене дека во модуларната болница во Тетово живи изгореа 14 луѓе. За жал на обвинителот не му значи ништо што живи изгореа 14 луѓе, и одлучи овој процес кој траеше пет години да го стопира“,изјави премиерот Мицкоски.
Премиерот напомена дека случајот може повторно да се отвори доколку се појават нови детали.
Слични новости
Во Македонија активни четири пожари
Во изминатото деноноќие во земјава се регистрирани вкупно 33 пожари на отворен простор, од кои 4 се активни, 4 се под контрола, а 25 се изгаснати – соопшти утрово Центарот за управување со кризи.
Филипче: Нема да бидеме алиби за предвремени избори на Мицкоски
Очигледно е дека единствениот параметар кој него го тера да бара избори е тоа што повеќе нема пари во буџетот за неговите криминални тендери. Локално нема ниту еден резултат“, рече Филипче.
Денеска намалени гужвите на граничните премини, но сеуште се чека на Табановце и Богородица
На граничниот премин Табановце се чека околу 40 минути за влез и излез од државата, додека на ГП Богородица времето на чекање за излез изнесува околу 30 минути. На останатите гранични премини нема подолги задржувања.