Советот на јавни обвинители денеска не избра в.д. државен јавен обвинител. На итната седница не дошол еден од членовите. Од Советот тврдат дека отсуството на членот било оправдано.
„Седницата на Советот на јавните обвинители, закажана за ден 18.12.2025 година во 11 часот, по предлог на член на Советот, а поради оправдано отсуство на еден од членовите на Советот на јавните обвинители, е одложена за ден 22.12.2025 година, понеделник, во 11 часот“, соопшти Советот на јавни обвинители.
Изборот на в.д. државен обвинител требаше да се случи итно, по оставката на досегашниот државен обвинител, Љупчо Коцевски. Тој завчера поднесе неотповиклива оставка во Собранието, во истиот ден кога пратениците требае да го разгледуваат предлогот за неговото разрешување, што го поднесе Владата.
По оставката на Коцевски, Собранието во најкус рок треба да распише оглас за избор на нов државен обвинител. До изборот на нов обвинител, функцијата ја извршува вршител на должноста, кој се избира од редот на републичките обвинители, а треба да го назначи Советот на јавни обвинители.
Слични новости
Грипот во замав, минатата седмица во пораст од 31,3 отсто
Во текот на 50. седмица од годинава, односно периодот од 8 до 14 декември, во земјава биле пријавени 126 случаи на грип и на групни пријави, што е за 31,3% повеќе од однос на седмицата претходно, соопшти Институт за јавно здравје (ИЈЗ)
Од 262 контроли на безбедноста на новогодишните пакетчиња, само мали недоследности
Во пресрет на новогодишните празници, Агенцијата за храна и ветеринарство (АХВ) спроведе 262 вонредни инспекциски надзори за контрола на безбеднста на детските новогодишни пакетчиња
Утрово најстудено во Берово
Според најновиот извештај од Управата за хидрометеоролошки работи (УХМР), утрово најниските температури биле – главно – во источниот дел на земјава