Информациите за висината на Тејлор Свифт, вредноста на биткоинот и за социјалните мрежи на инфлуенсерот MrBeast биле меѓу најчесто поставуваните прашања за Alexa виртуелната асистентка на Amazon во Обединетото Кралство во 2024 година.
Технолошкиот гигант објави дека на врвот на листата на прашања за висината и возраста на познатите личности е онаа на американската поп-ѕвезда Тејлор Свифт, чијашто рекордна турнеја „Eras“ штотуку заврши. Таа имаше и три албума во првите пет најслушани и, според Alexa и Amazon Music, беше прогласена за најизведувана уметница на годината.
Тејлор е втора, зад Илон Маск кога станува збор за прашањата за нето вредноста, а MrBeast (вистинско име Џејмс Доналдсон) е трет. Со повеќе од 500 милиони следбеници на социјалните мрежи, MrBeast е најследен инфлуенсер во светот.
Според годишните бројки кои го покриваат периодот од септември 2023 до ноември 2024 година, прашањата oд доменот на општите знаења остануваат популарни меѓу корисниците на Alexa. Меѓу најчесто поставуваните прашања се оние за вредноста на биткоинот и за бројот на жители на Земјата.
Податоците на Amazon, исто така, покажуваат дека пребарувањето фудбалски информации со помош на Alexa е меѓу најпопуларните начини на користење на неговиот асистент за вештачка интелигенција, софтверска програма која се потпира на технологии како обработка на природен јазик (NLP) за следење гласовни и текстуални команди.
„Кога игра Англија?“ – било меѓу најпопуларните спортски прашања на годината, со оглед на тоа што машката репрезентација на Англија стигна до финалето на ЕВРО 2024 ова лето. Меѓу главните прашања поставени до Alexa биле информациите за ажурираните резултати од натпреварите во кои учествувале Ливерпул, Манчестер Јунајтед, Арсенал и Манчестер Сити.
Amazon, исто така, објави дека користењето на Alexa како кулинарски асистент е уште еден голем тренд во 2024 година, при што рецептите за палачинки, јоркширски пудинг и леб од банана се забележани како најпребаруваните барања. Во топ 10 се најдоа и рецепти за торти или колачиња на стапче, пиперки полнети со халуми и сладолед од манго.
Слични новости
Драмски обележува 60 години од вселувањето во постојниот објект
Објектот е донација на Владата на Велика Британија како еден од симболите на меѓународната солидарност во напорите да се обнови Скопје по катастрофалниот земјотрес од 26 јули 1963 година. И покрај тоа што е замислена како привремен дом, театарот во оваа зграда опстојува и денес
Кои се следните проекти на актерите што беа номинирани за Оскар
Добитникот на Оскар за споредна машка улога Киеран Калкин се враќа на Бродвеј каде што игра во претставата „Гленгари Глен Роуз“, а летоска веројатно ќе игра во третото продолжение на Дина заедно со Тимоти Шаламе
Оскарите годинава со послаба гледаност отколку лани
Според рејтинзите што ги објави агенцијата Нилсен, шоуто на кое домаќин беше Конан О’ Брајен, имаш просечна гледаност од околу 18 милиони луѓе. За прв пат преносот од Оскарите имаше и стрим во живо на платофмата Хулу.