Основното јавно обвинителство Скопје донесе Наредба за спроведување истражна постапка против Сабахудин Рустеми, директор на ЈП „Комунална хигиена“-Скопје и Аки Саити, раководител во истото претпријатие, кои се наоѓаат во полициската станица Гази Баба. Истовремено, обвинител до Основниот кривичен суд Скопје доставил предлог за определување притвор за двајцата осомничени.
Тие беа уапсени вчера, по неколкудневното несобирање на отпадот во Скопје.
Обвинителството ги товари двајцата дека заедно постапиле спротивно на Законот за управување со отпад и на својата основна дејност за редовно собирање и транспортирање безопасен отпад на подрачјето на Град Скопје, како и на обврските предвидени во Оперативната програма за собирање и транспортирање на комуналниот отпад и на Оперативниот план за одржување на јавната чистота во Градот.
„Со пропуштање на целосниот надзор над собирањето и транспортирањето на комунален отпад, како и со непрописно управување со отпадот тие овозможиле во текот на месецов да се создадат мали депонии на јавни и сообраќајни површини, во близина на предвидените садови за собирање комунален отпад, со што предизвикале значително оштетување на квалитетот на почвата, воздухот и водата и го довеле во опасност животот и здравјето на луѓето од предизвикување заразни или други болести“, соопшти ОЈО Скопје.
Се нагласува дека „гревот“ на двајцата е утврден со вонредните инспекциски надзори од овластените локални инспектори за животна средина „кои излегоа на терен по насоки на јавното обвинителство, како и со експертско мислење за влијанието на отпадот врз јавното здравје и можноста за ширење заразни заболувања од ЈЗУ Институт за јавно здравје на РСМ“.
Слични новости
Бројот жртви во пукањето на плажата Бонди се искачи на 16
Бројот на жртвите од пукањето во неделата на прославата на еврејскиот празник на култната плажа Бонди во австралиски Сиднеј се искачи на 16, соопшти полицијата, додавајќи дека татко и син стојат зад нападот
Филипче повторно повика пратениците да ја потпишат декларацијата на СДСМ за мигрантите
Претседателот на СДСМ Венко Филипче вечерва повторно апелира пратениците да ја потпишат предлог-резолуцијата поднесена од неговата партија за да се елиминираат, како што истакна, сите сомнежи за примање мигранти од Велика Британија во Македонија.
Тошковски задоволен од тест-периодот на „Безбеден град“, намалени сообраќајките и забавено возењето
Министерот за внатрешни работи Панче Тошковски изрази задоволство од резултатите од тест-периодот на проектот „Безбеден град“, истакнувајќи дека граѓаните значително ја намалиле брзината на возење, а бројот на сообраќајни незгоди е во опаѓање. Како што нагласи, единствената цел на проектот е спасување човечки животи