Обвинителството на Босна и Херцеговина денеска побара од Судот на БиХ да му изрече затворска казна и десетгодишна забрана за вршење политичка функција на лидерот на босанските Срби, Милорад Додик.
Во завршниот збор по доказната постапка која траеше една година, обвинителот Недим Ќосиќ оцени дека наводите во обвинението, со кое обвинетите се товарат за непочитување на одлуките на високиот претставник за БиХ, се докажани надвор од разумно сомнеж.
Покрај Додик, за истото кривично дело обвинет е и директорот на Службен весник на Република Српска, Милош Лукиќ.
Обвинителот Ќосиќ смета дека е јасно докажано дека и двајцата се виновни и дека постапиле со умисла и уште еднаш јавно се пофалиле дека ги прекршиле одлуките на високиот претставник.
Затоа, тој му предложи на судот да ги прогласи Додик и Лукиќ за виновни и да ги осуди на затворски казни. Тој, исто така, бара судот да му изрече на Додик дополнителна мерка забрана за вршење на функцијата претседател на Република Српска и да му забрани да извршува изборна функција во БиХ во период од десет години. За Лукиќ предложи да биде сменет од функцијата директор на Службен весник на Република Српска.
Слични новости
Училиштата на Санторини, Иос, Аморгос и Анафи, поради земјотресите остануваат затворени уште една седмица
Поради сеизмичка активност во морскиот дел меѓу Санторини и Аморгос, училиштата на четири грчки острови ќе останат затворени уште една седмица, одлучија членовите на надлежните комисии
Албанците се рангирани по Грузијците за принудно враќање од земјите на ЕУ во 2024 година
Албанските граѓани се рангирани на второто место по Грузијците по бројот на принудни враќања од некоја од земјите на Европската унија во текот на 2024 година.
Црногорските студенти упатија барања до премиерот на јапонски јазик
Црногорските студенти, кои бараат смени на највисоките безбедносни функционери по смртта на тринаесет лица во масовното пукање во Цетиње, ги испратија своите барања до премиерот на јапонски