Обвинителството на Босна и Херцеговина денеска побара од Судот на БиХ да му изрече затворска казна и десетгодишна забрана за вршење политичка функција на лидерот на босанските Срби, Милорад Додик.
Во завршниот збор по доказната постапка која траеше една година, обвинителот Недим Ќосиќ оцени дека наводите во обвинението, со кое обвинетите се товарат за непочитување на одлуките на високиот претставник за БиХ, се докажани надвор од разумно сомнеж.
Покрај Додик, за истото кривично дело обвинет е и директорот на Службен весник на Република Српска, Милош Лукиќ.
Обвинителот Ќосиќ смета дека е јасно докажано дека и двајцата се виновни и дека постапиле со умисла и уште еднаш јавно се пофалиле дека ги прекршиле одлуките на високиот претставник.
Затоа, тој му предложи на судот да ги прогласи Додик и Лукиќ за виновни и да ги осуди на затворски казни. Тој, исто така, бара судот да му изрече на Додик дополнителна мерка забрана за вршење на функцијата претседател на Република Српска и да му забрани да извршува изборна функција во БиХ во период од десет години. За Лукиќ предложи да биде сменет од функцијата директор на Службен весник на Република Српска.
Слични новости
Косово: Специјалното обвинителство обвини две лица за шпионажа во корист на српска БИА
Косовското Специјално обвинителство денеска соопшти дека поднело обвинение за шпионажа против две лица кои, според пишувањето на медиумите во Приштина, биле соработници на српската Безбедносно-информативна агенција (БИА), пренесе Бета.
На Санторини смирена ситуацијата со земјотресите, Мицотакис порачува дека Грција е безбедна земја
Најверојатното сценарио за сеизмичката активност во морскиот дел меѓу Санторини и Аморгос, според претседателот на Организацијата за антисеизмичко планирање и заштита на Грција (ОАСП) Ефтимиос Лекас е постепена деескалација на појавата, додека во изминатите два дена не беше регистриран поголем земјотрес, а грчкиот премиер Кирјакос Мицотакис порача дека Грција е безбедна земја
Пицула: На Србија ѝ недостига реален напредок кон ЕУ
Србија изминатите години нема вистински напредок на нејзиниот пат кон Европска Унија, изјави денеска известувачот на Европскиот парламент за Србија, Тонино Пицула, пред европратениците од Парламентарната комисија за надворешни работи.