Судот на почетокот на денешното рочиште за трагедијата во кочанската дискотека „Пулс“ го спои предметот за сопственикот на агенцијата за обезбедување „Рубикон“, Александар Нацев.
Со ова, тој и официјално стана 35-от обвинет за оваа трагедија. За него, обвинителниот акт беше подоцна одобрен, на почетокот на септември во 2025 година.
Нацев е обвинет за предизвикување општа опасност, бидејќи обвинителството тврди дека тој стоел и ги правел плановите за обезбедување на „Пулс“ заедно со вистинските сопственици, и покрај тоа што немале никаков договор со „Рубикон“. Тој сега се брани од притвор, кој му го одреди судот.
Инаку на обвинителна клупа се неколкумина од обезбедувањето кои, според обвинителството, на критичниот ден, со важечки лиценци за приватно обезбедување и со легитимации на обвинетото правно лице, како и еден обвинет без лиценца за вршење на работи на физичко обезбедување, биле задолжени да го обезбедат објектот во Кочани.
Но, тие немале безбедносна проценка по однос на сигурносните услови на објектот, за можностите за евакуација во случај на опасност и не направиле проверка на влезови и излези и нивна исправност, во услови на преполнетост на капацитетот на локацијата.
Слични новости
Маск ја спореди ЕУ со нацистите, X го затвори рекламниот профил на ЕК
Два дена откако Европската унија изрече голема казна на платформата X, социјалната мрежа ја затвори својата рекламна сметка на Европската комисија, а сопственикот Илон Маск ја спореди Унијата со нацистичка Германија
Мировниот договор за Украина е многу блиску, вели американскиот претставник Келог
Претставникот на американскиот претседател Доналд Трамп за Украина изјави дека договорот за завршување на војната во Украина е „многу блиску“ и дека сега зависи од решавањето на две главни отворени прашања – иднината на украинскиот регион Донбас и нуклеарната централа Запорожје
Милошоски: Нема да се градат бегалски кампови
Во Македонија нема да се градат бегалски кампови, категорични се од ВМРО ДПМНЕ. Тврдат дека Британија со сите земји од Западен Балкан и од ЕУ има склучено слични договори за борба против организирана, нелегална, миграција