Цените на нафтата паднаа под 62 долари во вторникот на меѓународните пазари, со најави на Казахстан за свртување кон алтернативните првавци за испорачување во Кина и нормализација на снабдувањето од Ирак.
Со барелот во Лондон се тргуваше попладнето за 58 центи по пониска цена од вчерашното затворање, за 61,91 долари. На американскиот пазар барелот беше за 65 центи поевтин од вчера, а 58,23 долари.
Одделните пресметки на Организацијата на земјите извознички на нафта (OPEC) покажуваат дека барелот од референтната кошничка нафта на нејзините членки во понеделникот бил поскап за 26 центи поскап од затворањето на пазарот во петокот, и чинел 63,86 долари.
Расположението на пазарите беше поттикнато од знаците за нормализација на снабдувањето претходно во текот на седмицата.
Казахстан планира да испорача нафта директно од полето Кашаган во Кина првпат во декември, преку нафтоводот Атас-Аланшанко, соопштија неименувани извори на Reuters, по украинскиот напад со беспилотни летала врз нафтените терминали во Новоросијск на Црното Море во Русија, кои ја транспортираат касписката нафта преку меѓународниот Конзорциум на каспискиот цевковод (CPC).
Полето го развива конзорциум од кинески CNPC и јапонски Inpex. Сега се очекува CNPC да испорача 30.000 тони нафта од Кашаган до Кина преку нафтоводот, додека се очекува Inpex да испорача околу 20.000 тони, изјавиле изворите за Reuters.
Нафтоводот Атасу Аланшанку моментално ја снабдува Кина со 85.000 до 86.000 тони нафта месечно од други полиња во Казахстан.
Ирак одделно објави дека е поправен нафтовод што носи барели од полето Западна Курна 2, кое има производствен капацитет од околу 480.000 барели дневно, а кое сѐ уште е во посед на рускиот нафтен гигант „Лукоил“ кој е под американските снакции и наскоро треба да се повлече од сопственоста.
Вестите од Казахстан и од Ирак повторно ги изнесе во преден план проценките за вишок во снабдувањето во 2026 година. Меѓународната агенција за енергија (IEA) проценува дека вишокот ќе изнесува околу четири милиони барели дневно поради зголемената понуда од независни производители и слабата побарувачка. Организацијата на земјите извознички на нафта (OPEC) сега очекува мал вишок, откако ја промени проценката според која понудата и побарувачката требаше да бидат во рамнотежа следната година.
Вниманието сега е насочено кон месечните извештаи за пазарот што треба да ги објават двете организации кон средината на месецот.
Слични новости
Европската Унија покрена антимонополска истрага против Гугл
Европската комисија денеска покрена антимонополска истрага против Гугл поради сомнение дека компанијата ги користи содржините на издавачи и креатори од Јутјуб за потребите за развој на вештачката интелигенција, без за тоа да им плати на авторите
Германскиот извоз падна во октомври
Германскиот извоз падна во октомври, при што се намалија испораките во САД и Кина се намалија, покажаа податоците од статистичката служба објавени во вторникот
Благ раст на повеќето европски берзи
Цените на акциите благо пораснаа на повеќето европски берзи во претпладневнот тргување во вторникот, но тргувањето беше претпазливо бидејќи инвеститорите не беа спремни да преземат премногу ризик пред состанокот за каматните стапки на Федералните резерви на САД