Британецот Ландо Норис во болидот на Мекларен ја освои Големата награда на Бразил во Формула 1, 21-та од 24-те трки оваа сезона, зголемувајќи го своето водство во шампионатот и приближувајќи се кон својата прва светска титула на три трки до крајот на првенството.
Британецот, кој стартуваше од пол-позицијата, заврши пред Италијанецот Андреа Кими Антонели од тимот на Мерцедес и Холанѓанецот Макс Верстапен од Ред Бул, кој направи неверојатен камбек откако стартуваше дури од 19-то место поради промена на моторот. Тоа беше уште еден неверојатен настап од четирикратниот светски шампион кој минатата година успеа да победи од 17-то место на стартната линија во Интерлагос.
Норис ја зголеми својата предност во генералниот пласман на 24 поени откако неговиот клупски колега и главен ривал за титулата, Австралијанецот Оскар Пјастри, беше казнет за предизвикување судир и заврши петти.
Второто место на Антонели е највисоко личен пласман во кариерата, додека Џорџ Расел беше четврти за Мерцедес, кој го зацврсти второто место во генералниот пласман во шампионатот на конструктори, кое Мекларен веќе го има освоено.
Норис е водечки во генералниот пласман со 390 бода, Пјастри е втор, со 24 бода помалку, додека Верстапен е трет со 341 бод. Следната трка ќе се вози за Големата награда на Лас Вегас по две седмици.
Слични новости
Шпанија најголем фаворит кај обложувалниците за титулата на мундијалот
Откако беше извршена жрепката за групите на Светското првенство во 2026 година, водечките светски обложувалници ја гледаат Шпанија како најголем фаворит за светската круна
Преглед НБА: Оклахома продолжува со победите
Оклахома Сити Тандер ја забележаа својата 14-та последователна победа победувајќи ги Далас Маверикс со 132:111 дома
Извлечени групите за Светското првенство 2026
Жрепката за Светското фудбалско првенство во 2026 година во Вашингтон беше спектакл во холивудски стил, експлозија од гламур, црвени теписи и мноштво светски ѕвезди, а Македонија доколку го мине плејофот против Данска а потоа биде подобра и во соочувањето со победникот од дуелот меѓу Чешка и Ирска ќе се најде во групата А