Норвешкиот извоз зебележа значитечно намалување во ноември, со остар пад на вредноста на испораките на нафта и гас, покажаа податоците кои во понеделникот ги објави тамошното биро за статистика.
Извозот се намали за 9,5 отсто во ноември во споредба со октомври, кога скокна за 17,2 отсто, пресметаа статистичарите.
Увозот, од друга страна, остана повеќе или помалку на нивото од претходниот месец, при што вредноста на испораките се зголеми за незначителни 0,1 отсто. Во октомври, тие се зголеми за 1,4 отсто на месечна основа.
Остриот пад на извозот првенствено ја одразува значително помалата вредност на испораките на нафта во ноември, за 9,2 отсто во споредба со октомври, кога се зголемија за 8,3 отсто.
Вредноста на испораките на гас, исто така, повторно падна во ноември, за 3,4 отсто, но многу помалку отколку во октомври, кога падна за дури 28,2 отсто во споредба со претходниот месец.
Вредноста на норвешкиот извоз се намалил во ноември, дури и кога ќе се исклучат енергенсите и опремата од енергетскиот сектор, за дури 14,0 отсто, при што испораките на морска храна се намалени за 10,2 отсто во однос на октомври.
Норвешка забележа суфицит во трговијата со светот во ноември од 41,3 милијарди норвешки круни (4,1 милијарди долари), што е за 26,3 отсто пониско отколку во октомври. Статистичарите пресметаа дека тоа е речиси 40 отсто пониско отколку во ноември минатата година.
Годишната споредба покажува пад на извозот од 14,8 отсто во ноември. Увозот, од друга страна, се зголеми за 3,3 отсто.
Вредноста на испораките на гас се намалила за големи 33,1 отсто на годишно ниво, а вредноста на испораките на нафта, исто така, значително паднала – за 9,9 отсто, според податоците на норвешкиот Завод за статистика.
Со исклучок на енергенсите, извозот во ноември остана на минатогодишното ниво, и покрај падот од 5,2 отсто во испораките на морска храна во споредба со истиот месец минатата година.
Слични новости
Француската понуда на електрична енергија ја надмина побарувачката
Франција има вишок капацитет за електрична енергија поради намалената индустриска потрошувачка и поголемата понуда на енергијата од обновливи извори и од нуклеарните централи
Европските инвеститори претпазливи, пад на технолошкиот сектор
Европските берзи тргуваат претпазливо во четврток во претпладневното тргување, бидејќи инвеститорите се загрижени за послабите од очекуваните деловни резултати на „Oracle“, што го става намалувањето на каматната стапка од страна на американските Федерални резерви во втор план
Доларот под притисок, цените на нафтата благо паднаа
а валутните пазари, вредноста на американскиот долар во однос на кошничката валути падна во раното претпладневното тргување во четвртокот, по одлуките и пораките на централната банка на САД