Канадската пливачка Самер Мекинтош го собори сопствениот светски рекорд во дисциплината 400 метри мешано во средата на Националното првенство во Викторија, кое служи како квалификација за Светското првенство во Сингапур во јули.
МекИнтош, 18-годишна трикратна олимписка шампионка во Париз минатото лето (200 метри пеперутка, 200 метри мешано и 400 метри мешано), ја исплива дисциплината 400 метри мешано за 4:23,65, подобрувајќи го сопствениот светски рекорд од 4:24,38, поставен минатата година.
Трикратната олимписка шампионка веќе собори светски рекорди на 200 метри мешано и 400 метри слободно.
„Знаев дека можам да направам нешто навистина посебно вечерва, бидејќи ова е веројатно најдобрата трка во мојата кариера“, рече Мекинтош по трката.
Во саботата, таа го собори светскиот рекорд на 400 метри слободно, надминувајќи го претходниот рекорд поставен во 2023 година од австралиската ѕвезда Ариарне Титмус.
Потоа, таа го исплива третото најбрзо време досега на 800 метри слободно во неделата, пред да го собори 10 години стариот светски рекорд на унгарската пливачка Катинка Хошу на 200 метри мешано во понеделникот.
Слични новости
Манчестер јунајтед заинтересиран за голманот на Астон Вила Емилијано Мартинез
Британските медиуми наведуваат дека менаџерот на Манчестер јунајтед Рубен Аморим не е задоволен со одбраните на првиот голман Андре Онана во минатата сезона и дека поради тоа решил да ангажира нов чувар на мрежата.
Интер Мајами и Ал Ахли одиграа без голови во премиерниот натпревар на Светското клупско првенство
Најголемата шанса за гол ја имаа Египќаните, но фудбалерот на египетскиот тим, Трезеге, промаши пенал во 43-тата минута.
Буфон потврди дека Џенаро Гатузо е нов селектор на фудбалската репрезентација на Италија
Гатузо е новиот селектор на италијанската репрезентација. Донесовме најдобра одлука, изјави директорот на италијанската фудбалска репрезентација Џанлуиџи Буфон за италијанските новинари.