ените на акциите паднаа на Волстрит во вторник, при што индексот Dow Jones се лизна деветти ден по ред, додека инвеститорите ги очекуваат одлуките и пораките од состанокот на челниците на американската централна банка.
Индексот Dow Jones загуби 0,61 отсто, на 43.449 поени, додека S&P 500 се лизна за 0,39 отсто, на 6.050 поени, а индексот Nasdaq загуби 0,32 отсто, на 20.109 поени.
Така, Nasdaq се лизна од рекордното ниво, додека Dow Jones падна деветти ден по ред, што не е забележано од 1978 година.
Инвеститорите се претпазливи бидејќи вчера започна дводневниот состанок на челниците на Fed, а нивните одлуки ќе бидат објавени во среда. Во фокусот на инвеститорите ќе бидат нивните нови макроекономски прогнози, како и прес-конференцијата на претседателот на централната банка Џером Пауел.
Пазарот очекува Fed да ги намали каматните стапки по трет пат оваа година, за дополнителни 0,25 процентни поени, но неизвесно е што ќе се случува понатаму со каматните стапки.
Податоците за трговијата на мало објавени вчера покажаа и дека потрошувачката на Американците расте, што значи дека економијата има солидна поддршка, но и дека инфлацијата може да остане покачена. Дотолку повеќе што политиката на новоизбраниот американски претседател Доналд Трамп може да го поддржи растот на економијата и инфлацијата.
Поради овие причини, Пауел, како и неколку други челници на Fed, изјавуваа последните седмииц дека темпото на намалување на каматните стапки можеби ќе треба да се забави. Најверојатно Пауел ова ќе го повтори и во среда, а се очекуваат и неговите коментари во однос на инфлацијата и состојбите во економијата.
И на повеќето европски берзи цените на акциите вчера паднаа. Лондонскиот FTSE индекс ослабе за 0,81 отсто, на 8.195 поени, а франкфуртски DAX за 0,33 отсто, на 20.246 поени. Парискиот CAC зајакна, пак, за 0,12 отсто, на 7.365 поени.
Слични новости
Цените на нафтата близу 73 долари
Цените на нафтата се искачија близу нивото од 73 долари на меѓународните пазари во средата, бидејќи најавата за кинески економски поттикнувања ги надмина намалените проценки на главните производители за растот на побарувачката оваа и следната година
OPEC уште еднаш ги намали проценките за растот на побарувачката на нафта
Во средата, Организацијата на земјите извознички на нафта (OPEC) повторно ја намали својата прогноза за раст на побарувачката за оваа и за следната година, истакнувајќи ги индициите за транзицијата на Кина кон почисти горива
Ангеловска-Бежоска: Националната стратегија за финансиска едукација и финансиска вклученост е сеопфатен напор за подигнување на финансиската писменост
Финансиската едукација и финансиската вклученост се суштински за економскиот раст и општествениот развој, но и за граѓаните, бидејќи само финансиски едуцирано лице може да носи исправни одлуки за штедењето, кредитирањето и инвестирањето