Бугарскиот премиер Румен Радев денеска соопшти дека се забележани нови напади со дронови врз бродови во Црното море, оценувајќи дека такви напади во непосредна близина на бугарските територијални води се „апсолутно недопустиви“.
Радев наведе дека е свикана вонредна седница на Советот за безбедност во Бугарија на која се добиени информации за нови напади врз бродови во Црното море. Еден брод е погоден на 17 наутички милји источно од Крапец, кој потонал, а спасен е само еден член на екипажот. Неколку часа претходно бил примен повик за помош од брод кој се наоѓал на 18 наутички милји од Бјала.
Според податоците што ги достави екипажот на спасувачкиот центар во Варна, бродот бил погоден со три воздушни дронови.
Бугарските спасувачки екипи ги евакуираа сите 15 членови на екипажот на бродот „Челси 3“ кој пловел под знамето на Малта, регистриран во Одеса и кој е во украинска сопственост. На петмина им била укажана лекарска помош.
Бугарскиот премиер изјави дека за инцидентите бара помош од НАТО и дека очекува разговор со генералниот секретар на НАТО Марк Руте.
Радев рече дека нема цврсти докази за да подигне обвинение против некоја држава, но резултатот укажува во корист на Русија, поради што најави дека ќе ја повика руската амбасадорка во Бугарија Елеонора Митрофанова на разговор.
Слични новости
Арените на македонски јазик зрачат нелегално, објавија ММА и МРТ
ММА и МРТ имаат материјални докази дека спортските канали Arena M1, M2 и M3 Premium подолг период работат без домашна дозвола, а нашиот регулатор АВМУ на волшебен начин ги третира како странски програмски сервиси кои се реемитуваат во Македонија
Трагедија во Пакистан – 14 новороденчиња загинале во пожар во болница
Најмалку 14 новороденчиња починале откако избувнал пожар во одделението за породилиште во болница во пакистанскиот главен град Исламабад.
Пожарот избувнал во клима-уред во одделението за мајки и деца во болницата а бргу се проширил поради приклучоците за кислород, пренесуваат медиумите.
Десетици загинати, повеќе стотици исчезнати во ненадејна поплава во Непал
Речиси 400 луѓе, меѓу кои и најмалку 290 странски туристи, засега се водат како исчезнати. Меѓу исчезнатите има државјани на Индија, Австралија, Холандија, Јужна Африка, Велика Британија и Малезија.