Бугарскиот премиер Румен Радев денеска соопшти дека се забележани нови напади со дронови врз бродови во Црното море, оценувајќи дека такви напади во непосредна близина на бугарските територијални води се „апсолутно недопустиви“.
Радев наведе дека е свикана вонредна седница на Советот за безбедност во Бугарија на која се добиени информации за нови напади врз бродови во Црното море. Еден брод е погоден на 17 наутички милји источно од Крапец, кој потонал, а спасен е само еден член на екипажот. Неколку часа претходно бил примен повик за помош од брод кој се наоѓал на 18 наутички милји од Бјала.
Според податоците што ги достави екипажот на спасувачкиот центар во Варна, бродот бил погоден со три воздушни дронови.
Бугарските спасувачки екипи ги евакуираа сите 15 членови на екипажот на бродот „Челси 3“ кој пловел под знамето на Малта, регистриран во Одеса и кој е во украинска сопственост. На петмина им била укажана лекарска помош.
Бугарскиот премиер изјави дека за инцидентите бара помош од НАТО и дека очекува разговор со генералниот секретар на НАТО Марк Руте.
Радев рече дека нема цврсти докази за да подигне обвинение против некоја држава, но резултатот укажува во корист на Русија, поради што најави дека ќе ја повика руската амбасадорка во Бугарија Елеонора Митрофанова на разговор.
Слични новости
За прославата за независноста – 5,53 милиони евра чинеле манифестациите од сметката на Државна лотарија и донации од фирми
Владата во април годинава донела одлука да ја задолжи Државната лотарија, нераспределената добивка од 2024 година од 300 милиони денари, да ја намени за спонзорирање на прославата. Владината портпаролка инсистира дека тоа не се буџетски пари, иако Лотарија е во целосна државна сопственост.
Израел им даде рок од седум дена на британските претставници да ја напуштат земјата
Британскиот конзулат во Еруслаим ќе мора да прекине со работа во рок од 30 дена, а на британските дипломати стационирани во Рамала на окупираниот Западен брег, им е даден рок од седум дена да го напуштат Израел.
Америка нападна повеќе ирански танкери
САД извршија напад врз повеќе ирански нафтени танкери како одговор на иранските напади врз американски бродови, соопштија американски официјални претставници. Морнарицата на Иранската револуционерна гарда ги предупреди посади на нафтените танкери во близина на Кувајт и Бахреин веднаш да ги напуштат бродовите