Американската војска соопшти дека извршила напади во јужен Иран, насочени кон места за лансирање ракети и бродови кои се обидувале да постават мини, и покрај прекинот на огнот меѓу двете земји.
Централната команда на САД (CENTCOM) во соопштението изјави дека нападите биле извршени во „самоодбрана“ и дека нивната цел била „да ги заштитат американските трупи од заканите што ги претставуваат иранските сили“.
Иранските медиуми, објавија за три експлозии што се слушнале во областа на пристанишниот град Бандар Абас на југот од земјата.
Портпаролот на иранските вооружени сили, Аболфазл Шекарчи, предупреди дека секоја нова агресија против Иран ќе наиде на многу поостар одговор што ќе се прошири надвор од регионот.
Во случај на нов американски напад, иранските напади би биле потешки и понасилни од претходните и би се прошириле надвор од границите на регионот, рече Шекарчи
Слични новости
Поранешниот претседател на Јужна Кореја осуден на доживотен затвор
Поранешниот јужнокорејски претседател Јун Сук-јеол е осуден на доживотен затвор по обвинението за поттикнување бунт поради неговата одлука за воведување воена состојба во декември 2024 година.
Зеленски порача дека ако дојде до договор за прекин на огнот Украина ќе го почитува
По вториот ден од трилатералните разговори меѓу Украина и Русија, со посредство на САД во Женева, нема конкретен напредок, иако преговарачите на двете страни изнесоа умерен оптимизам.
Парламентарните избори во Бугарија закажани за 19 април
Бугарија ќе одржи нови предвремени парламентарни избори на 19 април, објави денес претседателката на земјата Илијана Јотова.