САД и јеменските Хути, кои се поврзани со Иран, објавија одделни напади врз бродови, додека изгледите за завршување на војната со Иран се чини дека се намалуваат. Техеран изјави дека Ормускиот теснец ќе остане затворен доколку Вашингтон не ги прифати неговите услови.
Нападите, во Оманскиот Залив што води кон теснецот и на влезот во Црвеното Море – и двете витални точки за глобалните резерви на нафта – доаѓаат во време кога војната не покажува знаци на завршување и покрај повторените тврдења од американскиот претседател Доналд Трамп дека договорот е неизбежен.
Највисокиот ирански функционер за безбедност, Мохсен Резаи, во вторникот изјави дека виталниот Ормуски теснец ќе остане затворен доколку САД не ги прифатат условите на Иран за завршување на војната – ослободување на замрзнатите средства на Иран и крај на конфликтите низ целиот регион, вклучително и во Либан и Газа.
Тоа следеше по новото барање од Трамп во понеделник дека Иран треба да плати отштета за луѓето убиени во 50 години војни, напади и протести.
Во текот на конфликтот, Трамп менуваше изјави и одеше од закани за ескалација до Техеран, се до тврдења дека мировниот договор е неизбежен
Слични новости
Нафтата Брент 102 долари за барел, цената на гасот во Европа 80,5 евра за мегават- час
Цената на нафтата Брент денеска падна на 102 долари за барел поради големите очекувања од состанокот меѓу претседателите на САД и Кина Доналд Трамп и Си Џинпинг.
Иран соопшти дека погоди танкер под знамето на Того
Иранската револуциоенрна гарда соопшти дека нејзините сили погодиле танкер кој пловел под знамето на Того во подрачјето на Ормутскиот теснец.
Танкерот „Тренд“ бил погоден, а потоа преретнат откако на него избувнал пожар, се наведува во соопштението на Техеран.
Нетанјаху: „Мораме да ја завршиме мисијата“
Нетанјаху порача дека земјата мора да продолжи со воените цели против Иран, Хезболах и Хамас. Нетанјаху, кој се подготвува за парламентарните избори на 27 октомври, пред приврзаниците на Ликуд повика на продолжување на, како што го нарече, процесот на исполнување на мисијата.