САД извршија нови воздушни напади врз воена локација во иранскиот град Бандар Абас, стратешко пристаниште во близина на Ормутскиот Теснец.
Според американската Централна команда, целта била уништена непосредно пред да биде лансиран дрон, а американските сили собориле уште четири ирански беспилотни летала кои претставувале закана во регионот.
Ова е втор американски напад врз ирански цели во последните три дена, и покрај кревкиот прекин на огнот меѓу двете земји.
Вашингтон тврди дека акциите биле „одбранбени и одмерени“, со цел да се заштитат американските сили и да се одржи безбедноста во Ормутскиот Теснец, каде што конфликтот сериозно го наруши поморскиот сообраќај и ги зголеми цените на енергенсите.
Иран остро ги осуди нападите, нарекувајќи ги „тешко прекршување на прекинот на огнот“ и најави одговор на секој непријателски потег.
Во меѓувреме, американскиот претседател Доналд Трамп изјави дека преговорите со Техеран продолжуваат, но предупреди дека САД би можеле повторно да започнат поширока воена операција доколку не се постигне договор.
Слични новости
Иран се подготвува за напад од САД
Додека САД го засилуваат своето воено присуство на Блискиот Исток во последните денови, Иран презема низа чекори што укажуваат дека е подготвен за потенцијален вооружен конфликт, од обнова на ракетни објекти до понатамошно идентификување на нуклеарни локации.
Аксиос: Трамп ги разгледува опциите за Иран, вклучително и воена акција
Администрацијата на САД ги разгледува сите опции за Иран, а дипломатското решение кое би било прифатливо за Вашингтон е на Иран да му се дозволи „симболично“ збогатување на ураниум, под услов да нема можност за развој на нуклеарна бомба.
Британската Монархија во огромна криза по апсењето на поранешниот Принц Ендру
Британското кралско семејство се соочува со најтешката институционална криза во последните 90 години, откако беше уапсен Ендру Маунтбатен-Виндзор под сомнение за злоупотреба на јавна функција и поради неговата поврзаност со Џефри Епстин кој беше осуден сексуален претсапник.