Новиот канадски премиер Марк Карни во својот говор по изборот за лидер на Либералната партија, а со тоа и за премиер, изјави дека неговата земја „ќе победи“ и „никогаш на кој и да е начин нема да биде дел од САД“.
„Канаѓаните се секогаш подготвени кога некој ќе ја фрли ракавицата. Американците не треба да се залажуваат. Во трговијата како во хокејот, Канада ќе победи“, рече тој во неделата, мислејќи на спортското ривалство меѓу двете земји, кое неодамна беше искористено од американскиот претседател Доналд Трамп.
„Доналд Трамп ги напаѓа канадските семејства, работници, бизниси, нема да му дозволиме да успее“, вети Марк Карни откако беше избран за лидер на либералите на местото на Џастин Трудо.
Американскиот претседател започна трговска војна со својот северен сосед со воведување царини за канадски производи и продолжува да вели дека сака Канада да стане „51-та американска држава“.
„Американците ги сакаат нашите ресурси, нашата вода, нашата земја… ако успеат, ќе го уништат нашиот начин на живот“, рече Карни.
„Во Соединетите ржави (…) никогаш нема да има право на францускиот јазик. Радоста на животот, културата и францускиот јазик се дел од нашиот идентитет. Ова се темни денови, мрачни денови донесени од земја (САД) на која повеќе не можеме да и веруваме“, рече тој во својот говор, редовно менувајќи се од англиски на француски.
Педесет идеветгодишниот поранешен гувернер на канадската и на британската централна банка, нов на политичката сцена, вети дека „ќе изгради нова економија и ќе создаде нови трговски односи“.
Тој и официјално ќе стане премиер маредните денови по трансферот на власта од Џастин Трудо, кој на почетокот на јануари најави оставка, по речиси десет години на власт. Карни можеби нема долго да остане на функцијата, бидејќи Канада мора да одржи избори најдоцна до октомври годинава.
Слични новости
Трамп добил „позитивни пораки“ од Москва за примирјето во Украина
Американскиот претседател Доналд Трамп во средата изјави дека американски официјални претставници се упатуваат во Русија на разговори за американско-украинскиот договор за 30-дневен прекин на огнот и за патот кон мировните преговори
На самитот на Г7 нема да разговара за американското „преземање“ на Канада, вели Рубио
Американскиот државен секретар Марко Рубио во средата изјави дека на состанокот на министрите за надворешни работи на земјите од групата Г7, планиран да се одржи во четврток во Канада, нема да се разговара за „преземањето на Канада“ од страна на САД, како што повеќепати споменуваше американскиот претседател Доналд Трамп
Зеленски: Украина никогаш нема да ги признае окупираните територии како руски
Украина никогаш нема да ги признае окупираните територии за руски, изјави во средата украинскиот претседател Володимир Зеленски, ден откако во саудиска Џеда неговите претставници го прифатија американскиот предлог за триесетдневно примирје во војната со Русија