Иако првиот ден од продолжениот празничен викенд се поклопи со стартот на целосната примена на новиот систем за контрола при влез во земјите од Европската унија, сепак, на граничниот премин Меџитлија–Ники кон соседна Грција нема значајни промени во фреквенцијата.
Наместо очекувани колони, само умерено зголемен број на возила. Според податоците на Министерството за внатрешни работи, во изминатите 24 часа преку Меџитлија излегле околу 4000 лица, од кои 800 се македонски државјани.
Од Министерството за внатрешни работи уверуваат дека сите капацитети се ставени во функција за да се избегнат застои од макеодонска страна .
На трите гранични премини кон Грција, Богородица, Дојран и Меџитлија, за 24 часа државата ја напуштиле над 17 илјади странски и македонски државјани.
Слични новости
30 насто од клиентите на е-шопинг во Македонија се пожалиле на проблеми
Во Македонија 29,41 насто од купувачите се пожалиле на проблеми при е-шопинг, покажува истражувањето на Евростат од 2025 за користење на информатичко-комуникациските технологии.
Албанските партии со остри критики до Уставниот суд поради одлуката пораките на СМС од Безбеден град да не се испраќаат на албански јазик
Ставот според кој СМС-пораките во рамки на системот „Safe City“ треба да се испраќаат само на македонски јазик, додека можат да се испраќаат и на англиски, но не и на албански, претставува дискриминација и кршење на духот на Уставот.
Царинска управа: на граничниот премин Блаце спречен обид за криумчарење 120 килограми тутун за наргиле
Царински службеници на граничниот премин Блаце, на влез во државата, спречија обид за криумчарење на вкупно 120 килограми тутун за наргиле, со вредност од 384 илјади денари кои биле наменети за продажба на македонски пазар.