Бугарија има јасно изразена позиција, која од 2022 година повеќе не е билатерално прашање, туку е прашање на дискусија меѓу Европската Унија и земја кандидат. Овој прозорец за проширување може да се отвори во наредните години, а доколку не ја искористат оваа можност, навистина може да изгубат, изјави бугарската министерка за надворешни работи, Велислава Петрова-Чамова, во Брисел, каде што учествуваше на состанок на министрите за надворешни работи на земјите-членки на Европската Унија.
„Драго ми е што во Бугарија има многу широк политички консензус за тоа. Им го кажав ова и на нашите северно македонски партнери. Очекуваме активности од нивна страна што ќе покажат дека имаат целосна политичка подготвеност да продолжат напред по својот европски пат“, додаде таа.
„Бугарија останува исклучително поддржувачки фактор. Исто така е важно за нас да видиме поголема активност и посилна акција од нивна страна во врска со веќе постигнатите договори. Тие имаат единствена можност. Гледаме дека земји како Црна Гора и Албанија остваруваат сериозен напредок.
Тие треба да се придржуваат до договорот од 2022 година и да преземат потребни политички чекори. Тие треба да го отворат својот европски пат“, рече Петрова-Чамова.
Слични новости
За една година цените на угостителски услуги во Македонија поскапеа за 2,8 отсто
Цените на угостителските услуги во Македоија во април 2026 година во однос на истиот месец од претходната година се зголемени за 2.8 %, објави Државниот завод за статистика.
Ален Берсе, генералниот секретар на Советот на Европа во посета на Македонија
За време на престојот во земјава, генералниот секретар на Советот на Европа ќе се сретне и со највисоките државни претставници, како и со ресорни министри, а планирани се и повеќе активности поврзани со унапредувањето на соработката со оваа меѓународна организација.
Собранието трет пат ќе се обиде да избере член на ДКСК
Собраниската Комисија за прашања на изборите и именувањата денеска ќе спроведе интеврјуа со пријавените кандидати по одлуката за објавување јавен оглас за избор на член на Државната комисија за спречување на корупцијата