Во Кривичниот суд во Идризово денеска продолжи судењето за трагичниот пожар во дискотеката „Пулс“ во Кочани, кој на 16 март одзеде 63 животи, а над 210 беа повредени.
На денешното рочиште на кое обвинетите 35 физички лица и три прaвни субјекти се произнесуваа по однос на обвинението рекоа дека не се чувствуваат за виновни, а дел од нив изразија сочувство за семејствата на жртвите, и посакаа побрзо закрепнување на повредените.
Првообвинетиот Дејан Јованов рече дека не се чувствува виновен, а во своите излагања дел од лицата кои биле задолжени за обезбедување на објектот рекоа дека за време на трагедијата се труделе да спасат што е можно повеќе присутни во дискотеката.
Екс директорот на ДЗС, Шабан Салиу, рече дека не се чувствува виновен и дека обвинението е политички мотивирано и неосновано.Љупчо Папазов порача дека не ги сфаќа мотивите на обвинителството да биде сместен во едно вака конструирано обвинение.
Крешник Бектеши исто така изрази сочувство и рече дека не се чувствува виновен. Вина отфрли и поранешниот министер Ваљон Сарачини.
Обвинетиот градежен инспектор Огњан Ѓорѓиев рече дека не се чувствува виновен и дека не му е јасно зошто е тука. Посочи дека сега е пензионер и дека се нашол во судница со цел како што нагласи да има повеќе обвинети на број.
Обвинителството останува на ставот дека пожарот е резултат на „низа од пропусти“ и „бескрупулозност“, додека одбраната најавува силни приговори на интегрираното обвинение.
Слични новости
Мировниот договор за Украина е многу блиску, вели американскиот претставник Келог
Претставникот на американскиот претседател Доналд Трамп за Украина изјави дека договорот за завршување на војната во Украина е „многу блиску“ и дека сега зависи од решавањето на две главни отворени прашања – иднината на украинскиот регион Донбас и нуклеарната централа Запорожје
Милошоски: Нема да се градат бегалски кампови
Во Македонија нема да се градат бегалски кампови, категорични се од ВМРО ДПМНЕ. Тврдат дека Британија со сите земји од Западен Балкан и од ЕУ има склучено слични договори за борба против организирана, нелегална, миграција
Кузеска: Кој му дал дозвола на Мицкоски да преговара за мигранти?
Граѓаните на Македонија се во шок! Власта на Мицкоски подготвува анти државно и национално предавство. Угледните британски медиуми, како The Times, дека Владата на Мицкоски е во разговори со Велика Британија за Македонија да стане базна дестинација за враќање мигранти. Сите лаги зад кои кујните на ДПМНЕ и владата се обидуваа да се сокријат се потопени во вода, изјави портпаролката на СДСМ Богданка Кузеска