Кривичниот совет на Основниот кривичен суд – Скопје го одби предлогот на одбраната за укинување на притворот на обвинетите Нино Васев и Нехат Нухи во случајот „Онкологија 2“, иако беа понудени имотни гаранции од над 350.000 евра.
Судот оцени дека нема промена на околностите кои би овозможиле поблага мерка, а во оваа фаза нема надлежност да одлучува за гаранција.
На вчерашното рочиште сведочеше претставник од Државниот завод за ревизија, кој детално ги образложи слабостите и неправилностите во работењето на Универзитетската клиника за радиотерапија и онкологија за 2021 година.
Сведокот одговараше на прашања од обвинителството, одбраната и обвинетите, појаснувајќи ги финансиските извештаи, јавните набавки и медицинските практики на клиниката.
Во случајот „Онкологија 2“, Васев и Нухи се обвинети дека во периодот 2018-2022 незаконски набавувале лекови и присвојувале дел од терапијата, оштетувајќи го државниот буџет за речиси 36 милиони евра. Двајцата обвинети негираат вина и тврдат дека процесот е политички мотивиран.
Слични новости
ВМРО ДПМНЕ : Времето на еднострани отстапки заврши, потребен е реципроцитет во односите со Бугарија
„Потребен е дијалог, а Бугарија да ги исполни своите обврски, вклучително и почитувањето на пресудите од Европскиот суд за човекови права“, соопшти ВМРО ДПМНЕ.
СДСМ: Апсењето на Богоев е дефокус на власта по пораките на Кошта за Македонија
На денот кога претседателот на Европскиот совет, Антонио Кошта пристигна во Македонија, кој го потврди она што го говори СДСМ и порача дека без внесување на малцинствата во Уставот нема поместување од мртва точка, токму тогаш предмет за Стефан Богоев, обвини СДСМ.
Гувернерот на НБ Славески бара закаонски измени за ограничување на банкарските надоместоци
Гувернерот на Народната банка на Македонија Трајко Славески побара законски измени со кои на Народната банка би и се овозможиле механизми за поголема заштита на корисниците на платните услуги и за ограничување на одредени банкарски надоместоци, според примерот на повеќе европски земји.