Израелскиот премиер Бенјамин Нетанјаху го осуди пукањето што се случи во неделата на прославата на еврејскиот празник Ханука во Сиднеј, велејќи дека го предупредил својот австралиски колега дека поддршката на земјата за палестинската државност ќе поттикне антисемитизам.
Двајца вооружени мажи отворија оган за време на прославата на Ханука на култната плажа Бонди во Сиднеј, убивајќи најмалку 11 лица во она што австралиските власти го оценија како насочен антисемитски напад. Еден од осомничените напаѓачи, исто така, беше убиен.
Нетанјаху го нарече пукањето „ладнокрвно убиство“, додавајќи дека во август му пишал на премиерот Ентони Албаниз дека политиките на австралиската влада го поттикнуваат антисемитизмот во Австралија.
„Напишав: ‘Вашиот повик за создавање палестинска држава само додава масло на огнот на антисемитизмот. Тој ги наградува терористите на Хамас, ги охрабрува оние што им се закануваат на австралиските Евреи и ја поттикнува омразата кон Евреите што сега беснее на вашите улици““, се присети Нетанјаху.
Албаниз на 11-ти август изјави дека Австралија има намера да признае палестинска држава на Генералното собрание на ОН во септември, по слични најави од Франција, Велика Британија и Канада.
Во своето обраќање Нетанјаху ја обвини владата на Албаниз дека „не презема ништо за да го спречи ширењето на антисемитизмот во Австралија“. „Дозволивте болеста да се шири, а резултатот се ужасните напади врз Евреите што ги видовме денес“, додаде тој.
Албаниз свика состанок на Советот за национална безбедност во неделата, осудувајќи го нападот и велејќи дека злото што сега се ослободува е „надвор од разбирањето“.
„Ова е целен напад врз еврејските Австралијанци на првиот ден од Ханука, кој треба да биде ден на радост, прослава на верата“, рече тој.
Пукањето во неделата е најсмртоносниот во серијата антисемитски напади врз синагоги, згради и автомобили во Австралија од почетокот на израелската војна во Газа во октомври 2023 година.
Слични новости
Европски лидери: Мировници предводени од Европа да бидат вклучени во гаранциите за Украина
Одлуките за потенцијални украински територијални отстапки можат да ги донесат само народот на Украина и само откако ќе бидат воспоставени силни безбедносни гаранции, кои треба да вклучуваат мултинационални сили предводени од Европа, изјавија европските лидери во заедничка изјава по состанокот во Берлин во понеделник.
ЕУ воведува дополнителни санкции поради хибридните активности на Русија
Европските министри за надворешни работи во понеделник усвоија нови санкции против дванаесет физички и две правни лица поради хибридните активности на Русија.
САД бараат од Украина повлекување од Доњецк доколку сака мир
Американските мировни преговарачи ѝ кажаа на Украина на разговорите во Берлин дека мора да се согласи да ги повлече своите сили од источен Донецк како дел од каков било договор за ставање крај на речиси четиригодишната војна, изјави функционер запознаен со ова прашање.