Утрово во населбата Расадник, општина Кисела Вода, се случи сериозна несреќа на градежно место спроти киното „Билјана Беличанец“, при што неколку лица биле затрупани со земја додека се копале темели за станбена зграда.
Според првични информации од очевидци, има најмалку една жртва. Екипите на Итната медицинска помош се обиделе да извршат реанимација на едно од затрупаните лица, но без успех.
На терен се присутни екипи на полицијата, противпожарната служба и Итната медицинска помош, кои работат на обезбедување на локацијата и расчистување на местото на несреќата.
Од МВР за Телма информираат дека денеска (24.04.2026) во 08:17 часот во СВР Скопје е пријавено дека на градилиште на ул.„Козјак“ во Скопје, при ископ на темели со земја биле затрупани тројца работници.
Од нив, двајца се извадени и со возило на Итна медицинска помош се пренесени во Комплекс клиники „Мајка Тереза“, а во координација со ЦУК и Бригадата за противпожарна заштита се преземаат мерки за вадење и на третото лице, стои во соопштението на МВР.
Слични новости
Од утре заладување и врнежи од дожд
Во вторник и среда 21/22 април 2026 поради спуштање на ладен атмосферски фронт од север кон Македонија, ни следува нагла и голема промена на времето кај нас која ќе донесе врнежи, северен ветер, планински снег и голем пад на температурите за околу 10 степени
СДСМ обвинува дека Мицкоски ангажирал приватна израелска компанија за следење на опозицијата
„Black Cube” е позната израелска приватна разузнавачка компанија, често наречена „приватен Мосад”. Таа се занимава со следење, собирање информации, провокации и фабрикување афери против политички цели.
Радев фаворит на утрешните парламентарни избори во Бугарија, односот кон Македонија нема да се менува
Од изборите во Бугарија не се очекува никаков пресврт во однос на македонското прашање бидејќи постои консензус кај целиот политички спектар кој бара внесување на Бугарите во македонскиот Устав и спроведување на обврските од протоколите.