Утрово во населбата Расадник, општина Кисела Вода, се случи сериозна несреќа на градежно место спроти киното „Билјана Беличанец“, при што неколку лица биле затрупани со земја додека се копале темели за станбена зграда.
Според првични информации од очевидци, има најмалку една жртва. Екипите на Итната медицинска помош се обиделе да извршат реанимација на едно од затрупаните лица, но без успех.
На терен се присутни екипи на полицијата, противпожарната служба и Итната медицинска помош, кои работат на обезбедување на локацијата и расчистување на местото на несреќата.
Од МВР за Телма информираат дека денеска (24.04.2026) во 08:17 часот во СВР Скопје е пријавено дека на градилиште на ул.„Козјак“ во Скопје, при ископ на темели со земја биле затрупани тројца работници.
Од нив, двајца се извадени и со возило на Итна медицинска помош се пренесени во Комплекс клиники „Мајка Тереза“, а во координација со ЦУК и Бригадата за противпожарна заштита се преземаат мерки за вадење и на третото лице, стои во соопштението на МВР.
Слични новости
Продолжува судењето за пожарот во кочанската дискотека „Пулс“
Судењето е во доказната постапка со сослушување сведоци на предлог на Обвинителството, кое го застапува тим од 15 јавни обвинители.
Мицкоски со повик до дијаспората да инвестира во Македонија
Мицкоски, како што објави на својот Фејсбук профил, на средбите повикал „да размислат за враќање, за инвестирање и за активно вклучување во развојот на државата“
Филипче: СДСМ 35 години ja носи одговорноста за иднината на државата
Во своето обраќање, претседателот Филипче подвлече дека денес СДСМ повторно стои пред голема историска и политичка задача – да ја врати надежта, правдата и европската перспектива на државата.