Безредија избувнаа во различни делови на Северна Ирска трета ноќ по ред во средата, при што демонстрантите фрлаа молотови коктели врз полицијата во жариштето на немирите во Балимена, а во градот Ларне беше запален тамошниот спорерски центар.
Стотици маскирани демонстранти ја нападнаа полицијата и запалија куќи и автомобили во северноирскиот град Балимена во вторникот, за време на претходните две ноќи немири што полицијата ги осуди како „расистичко насилство“.
Интервентната полиција и оклопни возила ги блокираа улиците во Балимена во среда вечерта пред стотици луѓе. Околу дваесет маскирани млади луѓе фрлаа камења, пиротехнички средства и молотови коктели врз полицијата, изјави очевидец за Reuters.
Полицијата ја предупреди толпата веднаш да се разодите и употреби водени топови против нив втора ноќ по ред, пренесуваат локалните медиуми.
Полицијата за справување со немири беше исто така во градот Ларне, каде што маскирани млади луѓе кршеа прозорци во спортски центар пред да го запалат, покажуваат снимките од BBC.
Во центарот се одржуваа часови по пливање кога низ прозорците беа фрлени тули, а персоналот мораше да се барикадира внатре пред да избега низ задната врата, изјави за BBC Дени Донели, пратеник од партијата Алијанса.
„Апсолутно нема никакво оправдување за она што се случи во Ларне и мора да се осуди“, изјави за радиото Cool FM Гордон Лионс, министерот на Северна Ирска задолжен за социјални работи и други прашања од Демократската унионистичка партија (DUP) кој ја претставува областа.
Полицијата соопшти дека младите ги подметнувале пожарите на кружен тек во градот Њутаунаби, жариште на секташко насилство кое спорадично се разгорува во регионот под британска власт 27 години откако мировниот договор стави крај на речиси трите децении брутално крвопролевање.
Насилството првично избувна откако двајца 14-годишници беа уапсени и се појавија на суд во понеделникот, обвинети за обид за силување тинејџерка во Балимена. Обвиненијата им беа прочитани на романски јазик од преведувач, а нивниот адвокат рече дека тие ги негираат, објави BBC.
Полицијата ја истражува материјалната штета во Балимена, која има релативно голема имигрантска популација, како расно мотивирани злосторства од омраза.
Две филипински семејства за Reuters изјавија дека ги напуштиле своите домови во градот доцна во вторникот бидејќи се плашеле за својата безбедност откако автомобил бил запален пред нивниот дом.
Британската и ирската влада го осудија насилството, како и локалните политичари.
Слични новости
Денеска нов ракетен напад на Иран врз Израел, Техеран најавува и напади врз американските воени бази на Блискиот исток
Според дописниците на светските агенции, експлозии се слушнале и во Тел Авив. Израелските медиуми јавуваат дека ракета паднала во градот, а претходно беше пријавена силна експлозија во Ерусалим.
Кац: Иран ги премина црвените линии со напади врз цивилни центри во Израел
Ќе продолжиме да ги браниме граѓаните на Израел и ќе обезбедиме режимот на Ајатолахот да плати многу висока цена за своите гнасни постапки, ја пренесуваат израелските медиуми изјавата на министерот Кац
Во иранските напади убиени тројца, а ранети 80 Израелци, Техеран и Ерусалим најавуваат продолжување на војната
Официјален Ерусалим соопшти дека во синоќешните два брана напади од Иран врз Израел со околу 150 балистички ракети биле убиени тројца луѓе, а 80 се ранети. Неколкумина од ранетите се во тешка состојба, соопштија израелските власти