Авионските билети во Европа најверојатно ќе поскапат во пресрет на летната сезона, бидејќи авиокомпаниите не можат долгорочно да ги покриваат зголемените трошоци за млазно гориво. На тоа предупреди генералниот директор на Меѓународното здружение за воздушен сообраќај, ИАТА, Вили Волш, кој оцени дека повисоките цени на билетите се „неизбежни“.
Иако дел од европските авиокомпании во последниот период ги намалуваа цените за да ја поттикнат побарувачката, Волш предупредува дека таквата состојба не може да трае долго. Според него, високите цени на нафтата и нарушувањата во снабдувањето со гориво на крајот ќе се префрлат врз патниците.
Кризата е поврзана со затворањето на Ормутскиот теснец и конфликтот на Блискиот Исток, кои силно го погодија снабдувањето со млазно гориво.
Слични новости
САД и дадоа на ЕУ рок до 4-ти јули за трговски договор
Американската администрација и даде рок до 4 јули на ЕУ да го исполни својот дел од трговскиот договор со САД во спротивно американските царини за европскиот блок ќе достигнат значително повисоки нивоа.
Нови рекорди на Волстрит
Берзанските индекси на Волстрит повторно достигнаа рекордни нивоа, додека силен раст бележат и азиските пазари, поттикнати од побарувачката за технологии поврзани со вештачката интелигенција.
Нафтата Брент денеска благо порасна на 102 долари за барел, по падот од 8 проценти во средата
Откако потенцијалниот договор меѓу САД и Иран за целосно окончување на војната придонесе за пад на нафата на светските берзи за 8 насто во средата, денеска цената на нафтата повторно бележи благ пораст, а барел Брент чини 102 долари на светските берзи.