Народната банка воведе тримесечна администрација во „Алта банка“ АД Битола поради околности што можат сериозно да ја загрозат нејзината солвентност.
Со решението од 1 ноември, за администратори се именувани Илија Андовски, Весна Стојчевска и Марија Тодоровска, кои ги преземаат надлежностите на управните тела и Собранието на акционери, со исклучок на одлуките за зголемување на капиталот.
Тие имаат рок од 21 ден да ја утврдат целокупната состојба во банката и да достават извештај до Народната банка… Во периодот на администрацијата се воведени ограничувања за располагање со средствата.
Физичките лица ќе можат да подигаат готовина и да плаќаат со картички издадени од банката кај трговци до 10.000 денари неделно, додека внатрешните трансакции во банката остануваат неограничени.
За правните лица се ограничени исплатите и трансферите надвор од банката, а одливните плаќања кон странство привремено се недостапнi. Од Народната банка посочуваат дека целта е банката да продолжи да работи, а интересите на штедачите и доверителите да бидат заштитени.
Слични новости
Почнува исплатата на средства за клиентите на Алта Банка
Максималниот износ што граѓаните ќе можат да го подигнат е 20.000 денари во период од две недели. Исплатата ќе се одвива според однапред утврден распоред, а клиентите ќе добијат СМС-порака со точниот ден и час за подигање на средствата.
Рокас денеска ќе му го врачи извештајот на ЕК на премиерот Мицкоски
Европската комисија укажува на недостиг од напредок во усвојувањето на уставните измени, кои се услов за отворање на првиот преговарачки кластер, како и на ограничен напредок во владеењето на правото и борбата против корупцијата.
Обемна полициска акција во Куманово против лихвари
Засилено полициско присуство и претреси на повеќе локации утрово во Куманово се дел од голема акција на МВР за разбивање организирана криминална група. Групата е осомничена дека подолг период дејствувала во Куманово и пошироко, занимавајќи се со изнуда, лихварство, перење пари, закани и уцени.