Народната банка на Македонија утрово информира дека со најновата измена на Решението за администрација се овозможува исплата на плати, заедно со уплата на соодветните даноци и придонеси, за компаниите што во последните три месеци редовно исплаќале плати преку платежните сметки во „АЛТА банка“ АД Битола.

Оваа можност се однесува на компаниите за кои исплатата на плати преку „АЛТА банка“ АД Битола претставува воспоставена практика, односно кои континуирано ја користеле Банката за оваа намена и во трите месеци пред донесувањето на одлуката.

Исто така, износот на средствата кои може да се користат од платежната сметка на фирмата во „АЛТА банка“ за исплата на платите може да биде повисок до 5% во однос на вкупниот износ на платите исплатени во октомври.

На овој начин се овозможува продолжување на постојните текови на исплата и исполнување на обврските кон вработените и државата, а истовремено се задржува контролата врз одливите на средства од Банката.

Со измената се овозможува и физичките лица во целост да располагаат со новите приливи на своите сметки во „АЛТА банка“ АД Битола, доколку средствата доаѓаат од платежни сметки отворени кај други банки и даватели на платежни услуги. Тоа значи дека граѓаните можат без ограничување на износот да ги користат средствата коишто дополнително ќе им бидат уплатени врз  оваа основа, соопштуваат од НБРМ.

 

Слични новости

Предлог – Буџетот за 2027 влезе во собрание – Буџетскиот дефицит е планиран на 3,5 отсто од БДП

Предлог – Буџетот за 2027 влезе во собрание – Буџетскиот дефицит е планиран на 3,5 отсто од БДП

Во услови на криза околу случувањата на Алба банка, денеска во комисијата на финансирање и буџет започнува и расправата за предлог-буџетот за 2027 година, кој предвидува приходи од 395,4 милијарди и расходи од 440,4 милијарди денари.

СДСМ : Мицкоски панично ја брани Алта банка

СДСМ : Мицкоски панично ја брани Алта банка

СДСМ го обвинува премиерот Христијан Мицкоски дека панично ја брани Алта банка и бара од обвинителот Ненад Савески веднаш да постапи по кривичната пријава што партијата ја поднесе против гувернерот на Народната банка Трајко Славески.

Скопје денеска го одбележува 13 Ноември, Денот на ослободувањето на градот 

Скопје денеска го одбележува 13 Ноември, Денот на ослободувањето на градот 

На денешен ден пред 82 години, на 13 ноември 1944 година, Скопје беше ослободено од фашистичката окупација. Во ослободителните операции учествувале 42. и 50. Народноослободителна дивизија на македонската војска и 16. Македонска бригада, кои по неколкудневни жестоки борби влегле во градот.