Народната банка на Македонија утрово информира дека со најновата измена на Решението за администрација се овозможува исплата на плати, заедно со уплата на соодветните даноци и придонеси, за компаниите што во последните три месеци редовно исплаќале плати преку платежните сметки во „АЛТА банка“ АД Битола.

Оваа можност се однесува на компаниите за кои исплатата на плати преку „АЛТА банка“ АД Битола претставува воспоставена практика, односно кои континуирано ја користеле Банката за оваа намена и во трите месеци пред донесувањето на одлуката.

Исто така, износот на средствата кои може да се користат од платежната сметка на фирмата во „АЛТА банка“ за исплата на платите може да биде повисок до 5% во однос на вкупниот износ на платите исплатени во октомври.

На овој начин се овозможува продолжување на постојните текови на исплата и исполнување на обврските кон вработените и државата, а истовремено се задржува контролата врз одливите на средства од Банката.

Со измената се овозможува и физичките лица во целост да располагаат со новите приливи на своите сметки во „АЛТА банка“ АД Битола, доколку средствата доаѓаат од платежни сметки отворени кај други банки и даватели на платежни услуги. Тоа значи дека граѓаните можат без ограничување на износот да ги користат средствата коишто дополнително ќе им бидат уплатени врз  оваа основа, соопштуваат од НБРМ.

 

Слични новости

Работните спорови ја чинеле државата 64 милиони евра

Работните спорови ја чинеле државата 64 милиони евра

Речиси половина од средствата се однесуваат на камати, трошоци на парнична постапка и извршни трошоци. Ревизијата покажала дека бројот на активни предмети значително се зголемил – од 9.361 во 2021 година на 24.556 во 2025 година.

Евростат: Младите во Македонија остануваат во домовите на родителите до 30,7 години, а во ЕУ си заминуваат на 26,3 години

Евростат: Младите во Македонија остануваат во домовите на родителите до 30,7 години, а во ЕУ си заминуваат на 26,3 години

Податоците на „Евростат“ покажуваат дека младите во Македонија го напуштаат родителскиот дом на возраст од 30,7 години, за разлика од младите во ЕУ кои си заминуваат на 26,3 години.

Остри критики на адреса на Фондот по одлуката за проверка на боледувањата

Остри критики на адреса на Фондот по одлуката за проверка на боледувањата

Дел од лекарската фела со остри критики на адреса на Фондот, по најавите за намалување на деновите за боледување од 7 на 5. Велат, времетраењето треба да го диктира дијгнозата, а не административни протоколи.