Кошаркарите на Њу Орлеанс Пеликанс ги совладаа Феникс Санс со 124:112 во НБА лигата во четвртокот ноќта. Целиот стартен состав на Њу Орлеанс постигна двоцифрен број поени, предводен од Зион Вилијамсон, кој го заврши својот учинок со „трипл-дабл“ – 27 поени, 11 асистенции и десет скока, а хрватскиот центар Карло Матковиќ постигна 17 поени и десет скока.
За Феникс, кој сѐ уште е во лош ритам, најдобар беше Девин Букер, кој постигна 36 поени, заедно со девет асистенции и седум скока. Натпреварот во Феникс беше целосно изедначен до последната четвртина која Њу Орлеанс ја доби со 11 разлика и со тоа ја обезбеди победата.
Голден Стејт направија пресврт на гостувањето против Орландо Меџик каде победија со 121:115. На полувремето Орландо водеше со 66:52, но потоа гостите во третата четвртина тргнаа во серија од 40:21 и направија пресврт.
Стивен Кари беше одличен за Голден Стејт кој го заврши натпреварот со 56 поени. Кари шутираше за 16-25 од поле, вклучително и многу добри 12-19 од три поена. Втор најдобар стрелец на Голден Стејт беше центарот Квинтен Пост, кој влезе од клупата и постигна 18 поени.
За поразениот Орландо, Паоло Банкер постигна 41 поен со пет асистенции и шест скока, додека Франц Вагнер додаде 27 поени.
Милвоки пред своите гледачи го совлада Денвер со 121:112. Секој играч од првата постава на домашниот тим постигна двоцифрен број поени. Најдобри беа Јанис Адетокумбо со 28 поени, 19 скока и седум асистенции, додека Брук Лопез додаде 22.
Од друга страна, не помогна ниту новиот „трипл-дабл“ учинок на Никола Јокиќ, кој постигна 32 поени, имаше 10 асистенции и 14 скока.
Лос Анџелес Лејкерс на домашен терен беа подобри од Минесота со 111:102, а патот до славјето го направија во првата четвртина која ја добија со 33:17. Леброн Џејмс беше најдобриот стрелец на ЛА Лејкерс со 33 поени, придодадени 17 скока и шест асистенции. Лука Дончиќ го комплетираше напаѓачкиот тандем на домашните, а со 21 поен имаше 13 скока и пет асистенции.
Слични новости
Арсенал се откажа од борбата за титулата
Тренерот на Арсенал Микел Артета кој на вчерашниот напревар со Манчестер Јунајтед по 200 пат водеше екипа во Премиер лигата, нема големи причини за прослава на јубилејот, откако стана јасно дека Арсенал уште една сезона нема да може да стигне до титулата.
Клиперси го победија Сакраменто по продолженија 111:110
Кошаркарите на ЛА Клиперс утринава на свој терен по продолженија го победија Сакраменто со резултат 111:110. Најефикасни во екипата на Клиперс беа Џејмс Хардen со 29 коша и 11 асистенции, а Ивица Зубац постигна 22 коша и 14 скокови.
Најтежок домашен пораз на Јуве по шест децении
Аталанта му го нанесе најтешкиот пораз на Јувентус на домашен терен во последните 60 години. Во дербито од 28. коло на италијанското фудбалско првенство, Аталанта го понижи Јувентус со 4:0 во Торино, остварувајќи ја првата победа на последните девет меѓусебни средби