Во неделниот натпревар од НБА лигата, Бостон го совлада Денвер со 110:103, со што се зацврсти на второто место во Источната конференција.
Тоа беше судир меѓу последните два шампиона во НБА. Бостон лани славеше победувајќи го Далас со 4-1, додека претходната година Денвер во финалето го победи Мајами со 4-1.
Со оваа победа, Селтикс ја прекинаа серијата од два пораза и сега заостануваат со скор 43-18 зад водечкиот тим на истокот Кливленд Кавалирс (49-10). Од друга страна, Денвер го забележа вториот пораз во последните три натпревара и моментално е втор на Западот со 39 победи и 22 порази. Оклахома Сити Тандер е убедливо на првото место со 48 победи и 11 порази.
Бостон подобро го отвори натпреварот и по првата четвртина имаше 12 поени предност (32:20), во вториот дел предноста порасна на 20 (59:39), но гостите намалија на минус четири (83:79) на стартот од последната четвртина. Во последните минути Денвер дојде на само три поени негатива (102:99), но не можеше да го направи и последниот исчекор кон голем пресврт. На крајот дуелот заврши со резултат 110:103 за Бостон.
Домашниот тим го предводеше Џејлен Браун со 22 поени, осум асистенции и пет скока. Ал Хорфорд додаде 19 поени и осум скока, а Џејсон Тејтум забележа 16 поени, 11 скока и седум асистенции.
Кај Денвер најефикасен беше Џамал Мареј со 26 поени, шест скока и седум асистенции. Кристијан Браун постигна 24 поени, а Никола Јокиќ беше на чекор до нов „трипл-дабл“ го заврши натпреварот со 20 поени, 14 скока и девет асистенции.
Слични новости
Арсенал се откажа од борбата за титулата
Тренерот на Арсенал Микел Артета кој на вчерашниот напревар со Манчестер Јунајтед по 200 пат водеше екипа во Премиер лигата, нема големи причини за прослава на јубилејот, откако стана јасно дека Арсенал уште една сезона нема да може да стигне до титулата.
Клиперси го победија Сакраменто по продолженија 111:110
Кошаркарите на ЛА Клиперс утринава на свој терен по продолженија го победија Сакраменто со резултат 111:110. Најефикасни во екипата на Клиперс беа Џејмс Хардen со 29 коша и 11 асистенции, а Ивица Зубац постигна 22 коша и 14 скокови.
Најтежок домашен пораз на Јуве по шест децении
Аталанта му го нанесе најтешкиот пораз на Јувентус на домашен терен во последните 60 години. Во дербито од 28. коло на италијанското фудбалско првенство, Аталанта го понижи Јувентус со 4:0 во Торино, остварувајќи ја првата победа на последните девет меѓусебни средби