НБА : Денвер и Далас утринава забележаа убедливи победи

Во меч од западната конференција на НБА лигата Денвер Нагетс утринава ги победија Феникс Санс на домашен терен со 117:90. Во првото полувреме двете екипи се менуваа во водство и беше изедначено (55:51) но во третата четвртина Денвер направи предност повисока од 20 поени разлика и последната четвртина беше само формалност, а тренерите ги повлекоа од терен стартерите.

Најефикасен во екипата на Денвер беше Никола Јокиќ со 32 коша, Мајкл Портер постигна 24, додека Арон Гордон и Расел Ветбрук постигнаа 12 односно 11 поени.

Кај Феникс најефикасни беа Кевин Дурант и Бредли Бил со по 23 коша. Денвер играше без Џамал Мари, а Феникс без Девин Букер. 

Убедлива победа забележа и Далас совладувајќи го Портланд со 132:108. Во тимот на Далас по неколку натпревари отуство поради повреда се врати Лука Дончиќ и постигнаа 27 коша,  центарот Даниле Гафорд уфрли 23, а Кајри Ирвинг 20 коша за Далас. 

Во екипата на Портланд најефикасен беше Дени Авдија од клупата кој постигна 19 коша.  

 

Слични новости