Германската фудбалска лига (DFL) започнува со пилот-проект во кој судиите ќе им ги објаснуваат одлуките на ВАР прегледот на гледачите на стадионот преку звучници веќе од претстојниот викенд.
„Како дел од проектот, судиите ќе ги објават своите одлуки за одредени ситуации на теренот преку звучниците на стадионот на вкупно девет стадиони во Бундеслигата и Бундеслигата 2. Пилот-проектот ќе биде лансиран на пет натпревари овој викенд“, објави DFL.
Девет клубови доброволно учествуваа во проектот, меѓу кои и шампионот во Бундеслигата, Баер Леверкузен и актуелниот лидер Баерн Минхен. Дел од проектот се и Борусија Дортмунд, Фрајбург, РБ Лајпциг и Гројтер Фирт.
Натпреварот на второлигашот Фортуна Дизелдорф против ССВ Улм во сабота ќе биде првиот натпревар во Германија на кој судиите ќе ги образложат нивните клучни одлуки. Новиот систем ќе биде тестиран и на саботните натпревари Баерн Минхен – Холштајн Кил, и Ст. Паули – Аугсбург, а во недела на натпреварите Ајнтрахт Франкфурт – Волфсбург и Баер Леверкузен – Хофенхајм.
„Со оваа тест-фаза сакаме дополнително да ја зголемиме транспарентноста на судиските одлуки и да обезбедиме поголемо разбирање меѓу навивачите. Гледачите на стадионот и пред екранот ќе добијат подлабок увид во процесот на одлучување на судијата по интервенцијата на видео асистент“, рече директорот за операции и навивачи на DFL, Ансгар Швенкен.
Слични новости
Премиер лига: Арсенал го победи Манчестер Сити со 5:1
Во дерби натпреварот од 24. коло на англиската Премиер лига, фудбалерите на Арсенал на својот стадион „Емирати“ го совладаа Манчестер Сити со 5:1
Манчестер Јунајтед го доведе Данецот Доргу
Англискиот премиерлигаш Манчестер Јунајтед потпиша договор со 20-годишниот дански лев бек Патрик Доргу до 2030 година, објави во неделата клубот од Премиер лигата
Рудигер неизвесен, неизвесен за натпреварот против Манчестер Сити
Дефанзивецот на Реал Мадрид, Антонио Рудигер, го повреди мускулот на десната бутина на мечот против Еспањол во саботата и е неизвесен неговиот настап во првиот натпревар од плеј-офот од Лигата на шампионите против Манчестер Сити