На грчкото острово Санторини е прогласена вонредна состојба откако таму се случи најсилниот земјотрес во последно време, пред кој земјата постојано се тресеше.
Земјотресот со сила од 5,2 степени според Рихтеровата скала го погоди Санторини во средата навечер, и беше прв кој ја надмина магнитудата од 5 степени, откако почнаа земјотресите минатата недела. Во четвртокот уследија уште два земјотреси над 4 спремени според Рихтер.
Островото на Кикладите во Егејското море, доживува речиси постојани тресења на земјата од 27 јануари. Досега се забележани илјадници помали земјотреси. Санторини е сместен во близина на хеленскиот вулкански лак, кој се протега од Пелопонез па се до Кикладите. Во овој регион има два вулкани: Неа Камени на Санторини и подводниот вулкан Колумбо осум километри североисточно од Санторини.
Властите се подготвуваат за уште посилен земјотрес, со оглед дека тресењето на земјата не престанува.
Сепак, иако кај Санторини има два вулкани, стручњаците сметаат дека ерупција на некој од вулканите е малку веројатна. Научниците нагласуваат дека сегашните потреси не се поврзани со вулканска активност и не претставуваат специфична вулканска опасност.
Слични новости
Три деца со изгореници од пожарот во Кочани ќе бидат пренесени во болница во Солун
Три млади деца со изгореници, повредени во пожарот во дискотеката во Кочани ќе бидат пренесени во болницата Папаниколау во Солун
Протестот во Белград заврши со немири, Вучиќ порача дека ја разбрал пораката
Протестот „15 за 15“, за кој според опозициските медиуми бил еден од најголемите во историјата на Белград, заврши во саботата вечерта пред предвиденото по инцидентите во кои беа повредени 56 лица, 22 беа уапсени, а по првиот инцидент студентите се повлекоа и порачаа дека повеќе тоа не е студентски протест
Тензично во Белград пред големиот студентски протест закажан за 16 часот
Синоќа од разни правци на Србија пристигнуваа студенти кои беа пречекани од Белграѓани кои ги дочекаа на Теразије. Се проценува дека излегоа над 30.000 граѓани да ги дочекаат студентите