Американското Министерство за правда ќе му дозволи на актерот Мел Гибсон повторно да поседува оружје, и покрај пресудата за семејно насилство во 2011 година, објави весникот The New York Times во четвртокот, а обвинителката во министерството кој асе спротивставила на тоа добила отказ.
Весникот, повикувајќи се на неименувани извори запознаени со одлуката на Министерството за правда, објави дека Гибсон, силен поддржувач на претседателот Доналд Трамп е меѓу деветте лица на кои им е обновено правото на поседуање оружје.
Сојузниот закон им забранува на повеќето луѓе осудени за семејно насилство да поседуваат огнено оружје. Гибсон пред 14 години беше осуден од судија во Калифорнија на три години условна казна поради удирање на неговата тогашна девојка.
Весникот објави дека прашањето за правата на оружје на Гибсон предизвикало конфликт во Министерството за правда бидејќи Елизабет Ојер, обвинителка застапничка за помилување на ресорот, минатиот месец одбила да се согласи да го врати правото на актерот да поседува оружје. Еден ден подоцна, таа била отпуштена.
Во интервју за NYT, Ојер тврди дека ѝ било кажано од висок функционер на Министерството за правда дека правата за поседување оружје на Гибсон треба да се обноват врз основа на фактот дека „тој има личен однос со претседателот“.
Ојер, исто така, тврди дека нејзиното одбивање да се согласи не е политичка одлука, туку врз основа на нејзиниот неуспех да спроведе заднинска истрага за случајот на Гибсон и затоа што ја сметала пресудата за семејно насилство „крајно вознемирувачка„.
Веснико додава дека неколку дена пред неговата инаугурација во јануари, Трамп го именуваше Гибсон, заедно со актерите Силвестер Сталоне и Џон Војт, за „специјални амбасадори“ во Холивуд.
Слични новости
Еминем стана дедо, неговата ќерка објави фотографија на нејзиното бебе на Инстаграм
Раперот од Детроит Еминем стана дедо, а неговата ќерка Хејли Џејд ја сподели фотографијата на нејизниот новороден син на Инстраграм.
Кинеските научници открија природно соединување кое го спречува растот на клетките на ракот на јетрата
Кинеските научници од Универзитетот Тианин открија механизам на транспорт на лактатите, што е клучно метаболичко гориво за клетките на ракот и издвоија Силибин, природно соединување кое го пореметува овој пат и го сузбива ширењето на ракот на јетрата, пренесе агенцијата Синхуа.
Елтон Џон: Мојот нов албум е „најсвеж“ од 70-тите
Британската музичка икона Елтон Џон вели дека неговиот нов албум е „најсвежиот“ што го направил од 70-тите, означувајќи нов „почеток“ за пејачот