Десетици илјади луѓе можеби ги загубија животите на францускиот остров Мајот во Индискиот Океан по разорниот циклон, а лекарите се подготвуваат за зголемување на инфекциите, изјави во вторник стоматолог во единствената болница на островот.
Три дена откако циклонот Шидо ја погоди француската прекуморска територија во Источна Африка, службите за итни случаи не регистрираа многу повреди, поради што стравуваат од најлошото, рече Науел Буабас.
„Фактот што не видовме толку многу повреди од циклонот откако сè падна, нè тера да мислиме дека овие луѓе сѐ уште се закопани и се мртви“, изјави таа за Reuters во видео повик од островот.
„Очекуваме илјадници, не би ме изнанадило и десетици илјади“, рече Буабас запрашана за можниот биланс на жртви, додавајќи дека телата не може да се извадат од урнатините поради инфраструктурата.
Властите рекоа дека стотици или дури илјадници би можеле да ги загубат животите, но само 22 смртни случаи биле потврдени до вторник наутро, изјави за фанцуското радио Амбдилвахеду Сумаила, градоначалник на главниот град Мамуџу.
Од циклонот Шидо во блискиот Мозамбик до денеска се пријавени 34 жртви.
Црвениот крст во вторникот соопшти дека судбината на 100.000 луѓе, вклучително и околу 200 волонтери, сè уште е непозната откако циклонот го опустоши островот со ветрови од над 200 километри на час, најлошата бура во последните 90 години.
Повеќе од три четвртини од околу 321.000 жители на Мајот живеат во релативна сиромаштија, а приближно една третина се мигранти без документи, главно од блиските Комори и Мадагаскар. Многумина живеат во сиромашни квартови во импровизирани живеалишта.
Буабас истакна дека условите за живот на многу жители на островот се причина за можното нагло зголемување на смртноста и ширење на болести.
„Луѓето се веќе жедни и гладни. Луѓето веќе пијат нечиста вода. Се чувствуваме многу осамени и исплашени. Мислиме дека најлошото допрва доаѓа“, рече Баубас.
Оштетени се и здравствените установи, вклучително и централната болница во Мајот каде работи Буабас, која беше поплавена.
Францускиот претседател Емануел Макрон планира да го посети Мајот во четврток.
Слични новости
Полска планира да воведе задолжителна воена обука за секој маж поради растечките закани во Европа
Полскиот премиер Доналд Туск соопшти дека неговата влада работи на план за воведување обврзувачки воен рок за секој маж во земјата, како одговор на променетата безбедносна ситуација во Европа.
Најмалку 14 лица загинаа, а 37 се повредени ноќеска во руски напади во источна Украина
Во руските ракетни напади врз градот Добропилија во источна Украина во текот на ноќта загинаа најмалку 11 лица, а ранети се 37, меѓу кои пет деца
САД до Индија: Намалете ги царините и купете повеќе воена опрема, тогаш можен е договор
Индија треба да купи повеќе воени производи и да ги намали царините за американските производи за да можат двете земји да потпишат „голем“ билатерален договор, изјави американскиот министер за трговија Хауард Лутник