На градоначалникот на Истанбул, Екрем Имамоглу му се заканува затворска казна од две до четири години и забрана за политичко дејствување по обвинението за „обид да се влијае врз судски службеник, вештак или сведок“, објавија турските медиуми.
На прес-конференција на 27 јануари, Имамоглу отворено го именуваше С.Б., вештакот во истрагите и судските случаи за наводна корупција поврзани со општинските претпријатија, тврдејќи дека С.Б. намерно бил распореден во предметите да го инкриминира него и општината. Потоа, обвинителството во Истанбул започна истрага во врска со изјавите дадени против С.Б.
Во обвинението се наведува дека по изјавите на Имамоглу С.Б. е подложен на кампања за клевета на социјалните мрежи и некои медиуми.
Самиот С.Б изјави дека никогаш не бил вмешан во лажно сведочење или други неправилности, како што тврдеше Имамоглу, и објасни дека бил назначен и како вештак во многу судски случаи во кои се вклучени други политички партии, освен Народнорепубликанската партија на Имамоглу.
Градоначалникот на Истанбул, од своја страна, тврди дека судските дела против него и другите општини што ги води партијата се политички мотивирани.
Слични новости
Во судири ексалираа протестите во Атина поради смртоносната железничка несреќа
Судири избувнаа во петокот во Атина кога стотици илјади луѓе се собраа ширум Грција за да побараат правда на втората годишнина од најсмртоносната железничка несреќа во историјата на земјата, а штрајковите на вработените во воздушниот, поморскиот и железничкиот транспорт ја парализираат земјата
Додик: Нема лично да се жалам на пресудата
Претседателот на Република Српска, Милорад Додик изјави дека лично нема да се жали на пресудата со која е осуден на една година затвор и шестгодишна забрана за вршење политичка функција и дека Народното собрание на Република Српска одлучило да го отфрли случајот против него пред Судот на БиХ
Само поштарината за гласањето на албанската дијаспора ќе чини 12,5 милиони евра
Парламентарните избори на 11. мај, Албанија ќе ја чинат повеќе од планираниот износ, посебно поради гласањето на дијаспората, за што поштенските трошоци паѓаат на товар на Централната изборна комисија