На западната хемисфера ноќеска имаше целосно замрачување на „крвавата Месечина“

Жителите на западната хемисфера ноќеска беа во можност да видат помрачување на „крвавата Месечина“ феномен кој е така наречен, затоа што за време на помрачувањето Месечината е со црвено-портокалова боја. Помрачувањето на Месечината траеше еден час и две минути.

Како што соопшти НАСА, за време на помрачувањето Месечината добива црвена боја бидејќи сета сончева светлина која физички не е блокирана од Земјата се филтрира низ густ слој на Земјината атмосфера.

Помрачувањето на Месечината се случува кога Земјата се наоѓа меѓу Сонцето и Месечината, а трите небески објекти се редат во речиси совршен ред наречен сизигија.