Берзанските индекси благо пораснаа на њујоршки Волстрит во средата по повеќедневниот пад, но тргувањето беше пригушено бидејќи инвеститорите внимателно ги чекаа кварталните деловни резултати на „Nvidia“, а претставниците на американската централна банка се загрижени за зголемувањето на инфлацијата.
Индексот Dow Jones Џонс доби на вредноста 0,10 отсто, на 46.138 поени, додека S&P 500 порасна за 0,38 отсто, на 6.642 поени, а индексот Nasdaq скокна за 0,59 отсто, на 22.564 поени.
По четирите дена пад, S&P 500 вчера зајакна главно благодарение на корекцијата на цените на акциите по значителниот пад претходните денови.
Инвеститорите беа претпазливи бидејќи записниците од последниот состанок на американската централна банка покажаа дека претставниците на Федералните резерви (Fed) се претпазливи во однос на натамошните намалувања на каматните стапки, бидејќи пониските трошоци за позајмување би можеле да го отежнат справувањето со инфлацијата, која останува далеку над целта од 2 отсто.
По објавувањето на тој извештај, индексите на берзата благо паднаа. Сепак, тие го завршија денот во позитива, бидејќи акциите на неколку големи технолошки компании се опоравија по неколкудневниот пад.
Меѓу другото, цената на „Nvidia“ се зголеми за речиси 3 отсто. А по затворањето на Волстрит, акциите пораснаа за уште 5 отсто во продолженото тргување, бидејќи производителот на чипови објави повисоки приходи и заработка отколку што очекуваа аналитичарите. Дополнително, „Nvidia“ објави проценки за повисоки од очекуваните приходи за тековниот квартал.
Благодарение на ова, терминските (фјучерсите) индекси S&P 500 и Nasdaq моментално во четвртокот утрото се зголемени за повеќе од 1 отсто, така што нивниот раст би можел да продолжи во во натамошното тргување во четвртокот.
„Пазарот зеде здив откако резултатите на ‘Nvidia’ потврдија дека побарувачката за вештачка интелигенција е силна. Доколку технолошките акции се задржат на овие нивоа до крајот на тргувањето утре, може да се каже дека корекцијата во секторот е завршена“, рече Адам Сархан, директор во компанијата „50 Park Investments in New York“.
Технолошкиот сектор долго време расте силно, благодарение на еуфоријата околу развојот на вештачката интелигенција, но последните седмици некои инвеститори сметаа дека цените на технолошките акции се превисоки, па затоа го префрлија капиталот од овој сектор во други сектори. Како резултат на тоа, индексот S&P 500 моментално е во пад од околу 3 отсто од рекордното ниво, достигнато во октомври.
А на европските берзи, цените на акциите вчера паднаа. Лондонскиот индекс FTSE се лизна за 0,47 отсто, на 9.507 поени, додека франкфуртскиот DAX ослабе за 0,08 отсто, на 23.162 поени, а парискиот CAC за 0,18 отсто, на 7.953 поени.
Слични новости
На Волстрит, индексот S&P порасна, Dow благо падна
На њујоршки Волстрит, индексот Dow Jones малку падна во претпазливото тргување во четвртокот, додека S&P 500 и Nasdaq пораснаа трет ден по ред
Германската економија и во 2025 без позитивен импулс
На германската економија и во оваа година и недостига позитивен замав, а деловниот сентимент е и понатаму слаб, се заклучува во денеска објавениот извештај на Институтот за економски истражувања
Рафинеријата за нафта во Панчево го започна процесот на затварање на производствените капацитети
Рафинеријата за нафта Панчево вчера го започна процесот на затворање на производствените капацитети поради недостиг на сурова нафта за преработка, што е резултат на санкциите што Министерството за финансии на САД ги воведе врз НИС.