Париска аукциска куќа следниот месец ќе понуди на продажба досега непознато дело од францускиот импресионист Пјер-Огист Реноар, на кое е прикажан неговиот син Жан, кој подоцна стана светски познат режисер и во 1975 година беше награден со специјален Оскар за неговиот придонес во филмската индустрија.
Вредноста на маслото на платно со наслов „L’enfant et ses jouets – Gabrielle et le fils de l’artiste, Jean“ („Детето и неговите играчки – Габриел и синот на уметникот, Жан“) се проценува на милион до милион ипол долари, објави аукциската куќа Drouot.
Се верува дека сликата е насликана меѓу 1890 и 1895 година. На неа е прикажан вториот син на уметникот, Жан Реноар, како мало момченце кое седи во скутот на неговата дадилка и си игра со фигурини.
Познатиот син на уште попознатиот татко, Жан Реноар е роден во 1894 година, а во 1975 година, само неколку години пред неговата смрт на 84-годишна возраст, ја освои наградата Оскар за животно дело.
Неговите дела вклучуваат бројни филмски класици: „Големата илузија“, „Излет“, „Марсељеза“, „Појадок на трева“, „Јужњакот“…
Дадилката прикажана на сликата е Габриел Ренар, која почнала да работи за сопругата на сликарот на 16-годишна возраст. Таа била една од омилените модели на Реноар. Таа позирала за околу 200 негови дела.
Портретот на Жан и Габриел ѝ припаѓал на кумата на Жан, Жан Бодо, и се пренесувал од генерација на генерација сѐ до неодамна.
Вредното дело ќе биде понудено на аукција на 25-ти ноември.
Слични новости
Откриена галаксија слична на Млечниот пат стара 12 милијарди години
Индиските астрономи открија масивна галаксија слична на Млечниот пат која е стара околу 12 милијарди години, пренесе Би Би Си. Таа е голема колку една третина од млечниот пат и содржи околу 10 милијарди ѕвезди
Скарлет Јохансон во завршни преговори за да игра во новиот Бетмен
По четири години кога за последен пат играше во филм со стрип јунаците на Марвел Скарлет Јохансон е на чекор да се врати во Готам. Како што известуваат холивудските медиуми, таа е во завршни преговори за да игра во Бетмен 2, секвелот на хитот на Мат Ривс од 2021
Лондонската божикна елка која традиционално ја поклонува Норвешка, вечерва ќе биде осветлена на Трафалгар
Елката симболизира пријателство меѓу Лондон и Осло во церемонија која потсетува на историјата на сојузништво меѓу двете земји. Овогодишната елка наречена „Вечниот Осло“ е висока околу 20 метри и е стара 60 години.