Најмалку 23 лица, меѓу кои и неколку странски туристи, загинаа во пожар во популарниот ноќен клуб Арпори во индиската држава Гоа, објави новинската агенција Press Trust of India.
Шефот на полицијата во Гоа, Алок Кумар, изјави за PTI дека пожарот се случил поради експлозија на цилиндар за гас. „Најмалку 23 тела се пронајдени. Загинатите се главно вработени во клубот“, рекол генералниот директор на полицијата на Гоа.
„Денеска е многу болен ден за сите нас во Гоа. Големиот пожар во Арпора одзеде животи на 23 лица“, напиша на платформата Х Прамод Савант, премиер на Гоа.
„Го посетив местото на инцидентот и наредив истрага. Оние кои ќе бидат прогласени за одговорни ќе се соочат со најстроги законски мерки. Секоја небрежност ќе биде строго казнета“, додаде тој.
Савант им рече на новинарите на местото на настанот дека „три до четири“ туристи починале. Три лица починале од изгореници, а другите жртви се задушиле.
Поранешна португалска колонија на брегот на Арапското Море, привлекува милиони туристи секоја година поради својот ноќен живот, песочните плажи и опуштената атмосфера.
Слични новости
Калас: САД остануваат најголем сојузник на ЕУ
Шефицата за надворешна политика на Европската унија, Каја Калас, изјави во саботата дека САД остануваат најголем сојузник на Европа
Бела куќа: Претставници на САД и Украина одржаа продуктивна средба во Мајами, закажани натамошни разговори
Специјалниот пратеник на претседателот на САД, Доналд Трамп, Стив Виткоф одржа продуктивни разговори со високиот преговарач од Украина, Рустем Умеров, во Мајами, Флорида, соопшти претставник на Белата куќа
Зеленски го отстрани Јермак и од Советот за национална безбедност и од врховната команда
Украинскиот претседател Володимир Зеленски го разреши својот поранешен шеф на кабинетот, Андриј Јермак, од Советот за национална безбедност, во екот на обемната истрага за корупција што го потресе Киев