Земјотрес со јачина од 6,3 степени го погоди северниот авганистански град Мазар-е Шариф рано наутро во понеделникот, при што загинаа најмалку 20 лица, стотици беа повредени и беше оштетена историската Сината џамија, соопштија властите, со страв дека бројот на жртвите веројатно ќе се зголеми.
Геолошкиот завод на САД (USGS) објави дека епицентарот на земјотресот бил на длабочина од 28 километри, во близина на Мазар-е Шариф, кој има околу 523.000 жители. USGS очекува „голем број жртви“, со проценка дека „катастрофата е потенцијално широко распространета“.
Најмалку 20 лица загинаа, а околу 320 се повредени, изјави портпаролот на Министерството за здравство Шарфат Заман, но официјалните лица предупредија дека бројот на жртви може да се зголеми бидејќи спасувачките екипи стигнаа до оддалечените села во најтешко погодените провинции Балх и Саманган.
„Нашите спасувачки и медицински екипи стигнаа во областа, а раководството ги стави сите блиски болници во состојба на готовност за лекување на повредените“, рече Заман.
Земјотресот оштети дел од Сината џамија, најсветото место за богослужба во Мазар-е Шариф, кое датира од XV век, изјави портпаролот на покраината Балх, Хаџи Заид.
Џамијата се смета за едно од најсветите места во Авганистан и се верува дека е погребно место на роднина и зет на пророкот Мухамед.
Катастрофата е најновата во низата предизвици за земјата разурната од дваесетогодшната американска и сојузничка окупација сега под власта на талибаните, која веќе се бори со големи кризи, вклучувајќи го земјотресот во август во кој загинаа илјадници луѓе, остро намалување на странската помош и масовна депортација на авганистански бегалци од соседните Пакистан и Иран.
Земјотресот предизвика прекин на електричната енергија низ целата земја, вклучително и во главниот град Кабул, соопшти националната енергетска компанија „Da Afghanistan Breshna Company“.
Слични новости
Макрон по примерот на Трамп ѝ се закани со царини на Кина
Францускиот претседател Емануел Макрон изјави дека му се заканил на Пекинг со царини за време на посетата на Кина доколку не преземе мерки насочени кон намалување на растечкиот трговски суфицит со Европската унија
Мировниот договор за Украина е многу блиску, вели американскиот претставник Келог
Претставникот на американскиот претседател Доналд Трамп за Украина изјави дека договорот за завршување на војната во Украина е „многу блиску“ и дека сега зависи од решавањето на две главни отворени прашања – иднината на украинскиот регион Донбас и нуклеарната централа Запорожје
Кинески авиони насочиле воен радар кон јапонски авиони
Јапонија во неделата соопшти дека кинеските борбени авиони насочиле радар за контрола на оган кон јапонски воени авиони во два „опасни“ инциденти во близина на островската група Окинава во Јапонија, тврдење што Пекинг го негираше