Најмалку 19 луѓе загинаа во САД, од кои 11 само во сојузната држава Мисури, откако смртоносните торнада зафатија неколку југоисточни држави, превртеа автомобили и уништија домови, објавија во саботата медиумите.
Три лица загинаа во сообраќајна несреќа за време на силно невреме во Тексас, додека смртни случаи се пријавени и во Оклахома и Арканзас.
Мајк Каео, гувернер на Мисури – каде што се пријавени 11 смртни случаи во четири југоисточни окрузи – рече дека државата е „уништена од силни бури и торнада, со уништени домови и изгубени животи“.
Повеќе од 200.000 луѓе останаа без струја во пет држави: Мисури, Илиноис, Индијана, Тексас и Арканзас, според веб-страницата PowerOutage.
И натаму се предвидуваат лоша временска ситуација во регионот во сабота, додека предупредувања за торнадо се издадени во централниот дел на Мисисипи, источна Луизијана и западниот дел на Тенеси.
Издадени се предупредувања за поплави за истите три држави, како и за делови од Алабама и Арканзас.
Највисоко ниво на предупредување од торнадо беше издадено и за центарот на Мисисипи во саботата.
Националната метеоролошка служба (NWS) предупреди на „повеќе интензивни“ и долготрајни торнада во тие области, опишувајќи ја ситуацијата како „особено опасна“.
Слични новости
Калас: Широка политичка поддршка за нова воена помош за Украина
Има широка политичка поддршка за да се обезбеди воена помош на Украина во вредност до 40 милијарди евра, а разговорите за деталите сега се во тек, изјави во понеделникот високата претставничка на Европската унија за надворешна политика и безбедност, Каја Калас
Ден на жалост во Црна Гора, Србија и Бугарија поради трагедијата во Кочани
Во Црна Гора денеска е ден на жалост по трагедијата во Македонија кога во пожар во дискотека во Кочани загинаа 59 млади луѓе, а над 100 се повредени. Во Србија и Бугарија утре ќе биде ден на жалост.
Министрите на ЕУ разговараат за нов план за воена помош за Киев вреден милијарди евра
Министрите за надворешни работи на Европската унија треба да се состанат во понеделник за да разговараат за нова иницијатива која би можела да обезбеди милијарди евра дополнителна воена помош за Украина