Високите бранови во Тенерифе однесоа десетици луѓе во морето, при што загинаа најмалку тројца, соопштија локалните власти во шпанската туристичка дестинација во неделата.
Една од жртвите е 79-годишна Холанѓанка, објавија локалните медиуми, опишувајќи го инцидентот во саботата попладне во Пуерто де ла Круз, град на северната страна од островот Тенерифе, кога брановите ја однесоа неа и уште девет лица во водата.
Полицијата и случајните минувачи успеале да ги спасат сите од водата, но Холанѓанката доживеала срцев удар и почина и покрај тоа што службите за итни случаи се обидоа да ја спасат. Девет други лица биле однесени во болница со повреди, од кои некои се сериозни.
Втората жртва е забележана во Чарко дел Виенто, град на околу 15 километри западно од Пуерто Ла Круз, кога 43-годишен Шпанец кој ловел риба падна во водата. Бил извлечен од морето со хеликоптер, но службите за итни случаи набрзо ја потврдија неговата смрт.
Шест француски туристи, исто така, биле однесени од брановите на североисточниот брег на островот, но претрпеле само полесни повреди.
Третата жртва е потврдена во близина на плажата Ел Кабезо во Гранадиља де Абона кога властите добиле повик дека е забележано тело како плута на површината.
Слични новости
Трамп ја изостави Северна Кореја во својата безбедносна стратегија, можно обновување на дипломатијата
Новиот план на американскиот претседател Доналд Трамп за глобална безбедност повеќе не вклучува денуклеаризација на Северна Кореја, што ги поттикнува шпекулациите дека Вашингтон се стреми да ги зголеми шансите за дипломатски напредок со Пјонгјанг во 2026 година
Маск ја спореди ЕУ со нацистите, X го затвори рекламниот профил на ЕК
Два дена откако Европската унија изрече голема казна на платформата X, социјалната мрежа ја затвори својата рекламна сметка на Европската комисија, а сопственикот Илон Маск ја спореди Унијата со нацистичка Германија
Нетанјаху: Израел ќе остане во тампон-зоната во јужна Сирија
Израел има намера да остане во тампон-зоната во јужна Сирија, изјави премиерот Бенјамин Нетанјаху на состанокот со израелските амбасадори, според извештаите на локалните медиуми